|
 La
14-an de marto la Dua Sesio de la Deka Tutlanda Popola Kongreso
(TPK) aprobis la revizion de la Konstitucio de la China Popola
Respubliko, sankciis la raporton de chefministro Wen Jiabao
pri la registara laboro kaj per balotado aprobis koncernajn
rezoluciojn. Post plenumo de chiuj siaj taskoj ghi fermighis.
Wu Bangguo, prezidanto de la Konstanta Komitato de TPK prezidis
ghin.
 La
reviziita konstitucio difinis la gvidan pozicion de "Tri
Reprezentoj" en la politika kaj socia vivo de Chinio,
ekhavis la enhavon pri akcelo de harmonia disvolvigho de la
materia, politika kaj spirita civilizacio, aldonis la vortojn
"konstruantoj de la socialisma afero" temantajn
pri unuecfronto, ekhavis la enhavon pri perfektigo de la sistemo
pri ter-rekvizicio, klarigis la shtatan principon pri disvolvigho
de ekonomio de nepublika posedanteco, perfektigis la difinon
pri protekto de la privata proprieto, ekhavis novajn difinojn
pri kompletigo de la sistemo de la socia garantio, alta takso
kaj garantio de la homaj rajtoj, pri konsisto de la tutlanda
popola kongreso, pri urgha situacio, pri la rajtoj de la shtata
prezidanto dum lia shtata aktivado, reviziis la servoperiodon
de la distrikta regpotenco, ekhavis novan difinon pri nacia
himno k.a. La 14-an de marto la prezidantaro de la Dua Sesio
de la Deka TPK publikigis anoncon pri tiuj aferoj.
 La
sesio balotis por la rezolucio pri la registara laboro kaj
aprobis ghin. La rezolucio diras, ke la raporto konformas
al la realo kaj pere de rememoro kaj resumado de la registara
laboro en la pasinta jaro, ghi bone montras la chefan laboron
de la registaro kaj atingitajn sukcesojn kaj montras la malfacilojn
kaj problemoj sur la vojo. La arangho de la registara laboro
por 2004 montras la sciencan koncepton pri disvolvado kaj
en ghi la difinitaj taskoj estas klaraj kaj efektivigeblaj.
La sesio inaugurighis la 5-an de marto, dauris
entute 10 tagojn kaj fermighis la 14-an. Ghi estas la plej
mallonga el chiuj sesioj.
Ni
tre shatus vian sugeston, klaku kaj donu vian vochon!
>>>
Chefpagho
|
