La
Dua Sesio de la Deka China Popola Politika Interkonsiligha
Konferenco (ChPPIK) inaugurighis je la tria posttagmeze de
la 3-a de marto 2004 en la Popola Halo, Pekino.
La cheestantoj aprobis antau chio la tagordon
de la sesio; prezidanto de ChPPIK Jia Qinglin faris laborraporton
komisiite de ghia konstanta komitato kaj post tio la cheestantoj
auskultis raporton de la Konstanta Komitato de la Deka ChPPIK
pri proponoj faritaj de ghiaj membroj post la unua sesio.
La dua sesio havos ankau jenan enhavon: chiuj
membroj de la konferenco cheestos la Duan Sesion de la Tutlanda
Popola Kongreso de Chinio, auskultos kaj diskutos la laborraporton
de la registaro; diskutos, ekzamenos kaj aprobos la reviziitan
statuton de ChPPIK, politikan rezolucion de la Dua Sesio de
la Deka ChPPIK, rezolucion pri la laborraporto de ghia konstanta
komitato, tiun pri la raporto pri la proponoj faritaj de ghiaj
membroj post la unua sesio kaj raporton de la propona komisiono
de la Deka ChPPIK pri ekzameno de la proponoj de la Dua Sesio
de la Deka ChPPIK. Chiuj tiuj aferoj estos faritaj en la sekvantaj
tagoj.
Ni
tre shatus vian sugeston, klaku kaj donu vian vochon!
>>>
Chefpagho
|