La
problemo pri "la kamparo, agrikulturo kaj kamparanoj"
estas multe diskutata en la du sesioj de la kongreso kaj konferenco
chi-jare. Chefministro Wen Jiabao promesis en sia laborraporto
de la registaro, ke en la venontaj 5 jaroj Chinio nuligos
la imposton super agrikulturo. Tio vekis vastan atenton de
la socio. En la diskutado membroj de la Tutlanda Komitato
de la China Popola Politika Interkonsiligha Konferenco (ChPPIK)
faris multajn proponojn pri la problemo. Pri tio mi intervjuis
Yang Lan, membron de la Tutlanda Komitato de ChPPIK.
Raportisto (R): Mi rimarkis, ke
lastatempe vi faris serion da TV-filmoj pri agrikultura produktado
kaj kamparana vivo. Kion vi volas diri pri mildigo de la shargho
de la kamparanoj?
Yang
Lan (Y): Mi pensas, ke por pliigi la enspezon de la kamparanoj
oni devas praktiki la politikon "doni pli, postuli malpli
kaj vigligi ilian laboron". Por mildigi la sharghon de
la kamparanoj oni devas postuli malpli. La serio da politikoj,
alprenitaj de la china registaro por mildigi la sharghon de
la kamparanoj, estas tre shatata de la popolo. La impostado
super agrikulturo estas historia problemo. En la historio
de miloj da jaroj la chinaj kamparanoj chiam estis plej peze
sharghitaj. Antau inauguro de la sesio mi vizitis tajlandan
chefministron THAKSIN Shinawatra, kies opinio pri ekonomia
reprosperigo de Tajlando profunde impresis min. THAKSIN Shinawatra
komparis la socian evoluon kun trajno kaj la lokomotivo estas
la grandaj urboj, kiuj rapide kuras antauen, dum la kamparo
multe postighas. Tiele, se la lokomotivo perturbighus, la
tuta trajno paralizighus. Tial li asignis 1.7 miliardojn da
usonaj dolaroj por subteni agrikulturon. Tio estas granda
sumo por Chinio kun 1.3 miliardoj da loghantoj kalkulate lau
proporcio. Sen suficha disvolvigho de la kamparo, la vasta
kamparanaro restas en la fundo de la socio, do sola kresko
de pokapa produktovaloro signifos nenion.
R: Kio estas la plej atentata problemo
de la kamparanoj lau vi?
Y:
Ili atentas enkondukon de kapitalo, sed timas arbitran okupon
de ilia tero. Enkonduko de kapitalo estas bona afero, sed
en iuj lokoj oni arbitre okupis teron pli frue ol enkonduko
de kapitalo, kaj rezulte de tio dezertighis la tero. De tio
la kamparanoj ricevis neniun utilon, sed vivis pli kaj pli
mizere. Krom tio la kamparanoj donas grandan atenton al takso
kaj ekzameno de la projektoj, kiujn ili jam decidis fari;
kaj trie, ili maltrankvilas pri sendistinga traktado, senprofita
laborado kaj malshparo de richajhoj.
La kamparanoj plej deziras plibonighon
de la vivo kaj realighon de industria entreprenado de la produktado.
Ili deziras ankau, ke la shtato helpu kamparajn entreprenojn,
faciligu surmerkatighon de agrikulturaj varoj, disvolvu agrikulturajn
kooperativajn establajhojn, mallevu produktokoston de la kamparaj
entreprenoj kaj pere de fondo de fakaj asocioj de agrikulturaj
produktajhoj levu la nivelon de normigo de la agrikulturaj
varoj kaj sian kapablon rezisti kontrau merkata risko.
La kamparanoj esperas kiel eble
plej rapide transigi la superfluajn kamparajn laborulojn,
malfermi novajn kanalojn por pliigi sian enspezon. Tio dependas
de industriigo kaj urbanizo de la kamparo kaj grandnombra
transigo de la superfluaj kamparaj laboruloj, dank' al kio
la agrikulturaj richfontoj povas esti utiligataj koncentre
kaj entreprenataj certaskale.
Ili deziras, ke la registaro pliigu
investon al la fundamenta konstruado de la kamparo, plibonigu
iliajn produktajn kondichojn kaj vivon.
Ili deziras ankau akcenti trejnadon
de kamparanoj, por ke ili levu sian kapablon en levo de enspezo
kaj konformu al modernigo.
R:
La prezaro de agrikulturaj produktajhoj strikte rilatas ne
nur al la interesoj de la kamparanoj, sed ankau al la grena
sekureco de la shtato. Kiel vi opinias pri tio?
Y: Tio ja estas bona problemo. Mi
pensas, ke ghuste pro tio la chefministro donis grandan atenton
al pritraktado de la interesoj de la kamparanoj kaj grena
sekureco de la shtato. Por la granda lando, kia Chinio, la
grena problemo estas vere strategia. Lau mi oni devas prizorgi
jenajn du punktojn:
A. Protekti fundamentajn kampojn.
En la lastaj jaroj en iuj lokoj oni preteratentis protekton
de la fundamentaj kampoj. Tie reduktighis areo de la fundamentaj
kampoj kaj oni kontrauleghe okupis kampojn kaj mallevighis
la agra kvalito, kio serioze malutilas al la grena produktado
kaj agrikultura disvolvigho. Enketo fare de la Ministerio
de Tero kaj Richfontoj montras, ke en 2003 en la tuta lando
la konstruado okupis 229 mil hektarojn da agroj, je 17% pli
multe ol en 2002. Chefministro Wen diris en sia raporto: "Ni
devas protekti kaj levi la sintezan produktopovon de greno,
rigore protekti la agraron, lauleghe intensigi administradon
de la agraro kaj kategorie malpermesi senbridan okupon de
agroj kaj malhelpi kaprican shanghon de la funkcio de la fundamentaj
kampoj." Oni informis, ke la registaro traktis 168000
kazojn de kontraulegha shangho de la kampa uzado. En 2004
la shtato pli firme batalos kontrau kontraulegha okupo de
agroj.
B.
Protekti la aktivecon de la kamparanoj en gren-kulturado.
Ghenerale dirite, la grena problemo de Chinio devas esti solvita
de Chinio mem kaj oni ne devas dependi de alies helpo. Respondeculo
de la Ministerio de Agrikulturo informis, ke en 2004 Chinio
faros chion eblan por rikolti 455 miliardojn da kilogramoj
da greno. Kvankam de oktobro, 2003, ondighis la prezoj de
greno kaj aliaj agrikulturaj varoj, tamen ne shanghighis la
situacio, ke la gren-livero estas pli granda ol gren-bezono
kaj en la proksima estonteco ne mankos greno en la landa skalo.
Sed tio ne signifas, ke ni povas preteratenti levon de la
sinteza produkta kapablo de greno. La "Proponoj de la
Centra Komitato de la Komunista Partio de Chinio kaj la Shtata
Konsilantaro de Chinio pri Multigo de Enspezo de la Kamparanoj",
t.e. la unua dokumento de 2004 de la kompartio ja celas stimuli
la aktivecon de la chefaj grenaj produktejoj kaj gren-kulturistoj
kaj kunligi la grenan liveron kun pliigo de enspezo de la
kamparanoj. Pliigo de enspezo de la gren-kulturistoj estas
kerna problemo de pliigo de enspezo de la tuta kamparanaro
kaj stimulo de la aktiveco de gren-produktado estas fundamento
de la grena pliproduktado. Protektado kaj levo de la gren-produkta
kapablo de la cehfaj grenaj produktejoj strikte rilatas kun
stabileco de la grena produktado de la tuta lando.
Baldau venos la printempa kulturado.
Pro levigho de la grena prezo en la pasintaj monatoj, levighis
ankau la profito de grena produktado kaj dank' al praktikado
de la politiko de la centra registaro rimarkinde levighis
la aktiveco de la kamparanoj de diversaj lokoj. Dank' al tio
daura reduktigho de la gren-kulturaj areoj haltos kaj estas
esperebla richa rikolto en somero de 2004.
Ni
tre shatus vian sugeston, klaku kaj donu vian vochon!
>>>
Chefpagho
|