Ĉinio estas unuiĝinta multnacia lando. Post praktikado de la "Skeleto de Leĝo pri Aŭtonomeco de Nacimalplimultaj Regionoj de la Popola Respubliko de Ĉinio" en la 8-a de aŭgusto 1952, Ĉinio ĉiam observas kaj perfektigas tiun bazan politikan sistemon de aŭtonomeco de nacimalplimultaj regionoj por pliintimigi la interrilatojn de egalrajteco, solidareco, interhelpo kaj kuna prosperiĝo.

55 jaroj pasis. La praktikado de la sistemo multe progresigis la ekonomion, socion, kulturon, edukon, arton kaj higienon de la nacimalplimultaj aŭtonomaj regionoj, kaj ankaŭ plibonigis la popolan vivon. Pli kaj pli multe da nacimalplimultanoj iris el la aŭtonomaj regionoj kaj partoprenis en ŝtataj politikaj aferoj.

En la kurantaj du sesioj, ĉ. 350 reprezentantoj de TPK kaj membroj de ĈPPIK de 55 nacimalplimultoj reprezentantaj siajn nacianojn plenumas siajn rajtojn de administrado de ŝtataj aferoj kaj devojn de partopreno en politikaj administradoj kaj demokratia superregado. La sistemo pri aŭtonomeco de nacimalplimultaj regionoj estas grava enhavo de la socialisma demokratio kun ĉinaj karakteroj kaj konkreta esprimiĝo en konstruado de harmonia socio kaj kuna prosperiĝo de nacimalplimultoj.