Posttagmeze
de la 28-a de februaro ĉina ĉefministro Wen Jiabao faris surretan
interparolon kun retumantoj en la intervju-ĉambro de la Ĉina
Registara Retejo.
"Mi ĉiam opinias, ke la popolo rajtas scii
kion la registaro pensas kaj kion ĝi faras, kaj fari kritikojn
pri la politikoj de la registaro. La registaro devas demandi
de la popolo pri la politikaj aferoj kaj serĉi konsilojn de
ĝi" Per mallongaj kaj sinceraj vortoj Wen Jiabao komencis
sian interparolon kun retumantoj. Tio mallongigis la distancon
de la interparolantoj.
De investo kaj impost-redukto al projekto pri
revigligo de industrio, de scienca apogo al socia garantio,
de enoficigo al edukado, de kuracado al loĝdomo, Wen kun firmaj
mieno kaj fido faris projekton por respondi al la financa
krizo kaj prosperigi ekonomion.
Dum la pli-ol-duhora interparolado demandoj faritaj
de retumantoj superis 300 mil, vizitkvanto de la retpaĝo atingis
150 milionojn kaj pli ol miliono da homoj rigardis la surretan
videon.
Je la fino Wen Jiabao diris: "Mi venas kun
sincereco. Mi ne opinias, ke mia respondo al ĉiu demando estas
bona, tamen miaj vortoj estas honestaj. Mi esperas, ke la
aferoj promesitaj de mi povos realiĝi!"
Ni
tre ŝatus vian sugeston, klaku kaj donu vian voĉon!
>>>
Ĉefpaĝo
|