La
dua sesio de la 11-a Tutlanda Popola Kongreso (TPK) kaj tiu
de la 11-a Ĉina Popola Politika Interkonsiliĝa Konferenco
(ĈPPIK) estas multe atentataj de la publika opinio pro la
monda financa krizo kaj la baldaŭa celebrado de la 60-a datreveno
de la naskiĝo de la nova Ĉinio.
Antaŭ la inaŭguro de la du sesioj oni faris specimenan
enketon pri temoj atentataj de la publika opinio por koni
kaj analizi ilian atenton pri la du sesioj.
La enketa rezulto montras, ke oni multe zorgas
pri "la popola vivo", "la popola voĉo"
kaj "la popola volo". Inter ili multe atentataj
estas la temoj pri batalo kontraŭ koruptiteco, justa justico,
reformado de la kuraca sistemo, enspezo kaj laborigo. Pro
la monda financa krizo kaj la baldaŭa celebrado de la 60-a
datreveno de la naskiĝo de la nova Ĉinio, la du sesioj ĉi-jare
estas multe distingiĝaj.
Pri la popola vivo
"Atentado pri la popola vivo" estas
unu el la gravaj postuloj de la popolo al la du sesioj. Kun
multigo de la sociaj kontaktoj, ĝenerala leviĝo de la kultura
nivelo de la sociaj membroj kaj intensiĝo de ilia konscio
pri la demokratio, la ĉinaj popolanoj jam kutimas havigi al
si informojn koncernaj al la tuta lando por ĝuste koni kaj
juĝi la situacion kaj politikojn kaj reĝustigi siajn proprajn
decidojn de la laboro kaj vivo. Tial, la direktaj kaj tendencaj
informoj pri la makroskopa ekonomio estas multe atentataj.
Dank' al tiu ĉi enketo oni informiĝis, ke la socia publiko
multe zorgas ankaŭ pri "politikoj kaj rimedoj rilataj
al la homa vivo" kaj "ekzamenado kaj diskutado de
gravaj politikoj kaj leĝoj".
Politika konstruado
Koncerne al la politika konstruado, oni prizorgas
ankaŭ la bazan demokration kaj rimedojn garantiantajn realiĝon
de la demokratiaj rajtoj de la popolo. Samtempe kun tio estas
atentata ankaŭ konstruado de la sistemo kontraŭ la korupteco
en la du sesioj.
Ekonomia situacio
En la nuna internacia ekonomia situacio, la ekonomia
temo certe estas multe diskutata de la ĉina popolo. Fronte
al multaj nedeterminecoj, la ĉina popolo pli zorgas pri influo
de TPK kaj ĈPPIK al la makroskopa reĝustigo kaj mona politiko.
La enketa rezulto montras, ke la mocioj kontraŭ la financa
krizo kaj pri garantio de stabila kreskado de la ekonomio
estos multe atentataj de la popolo. Por trakti la premon de
ekonomiaj malfaciloj, la centra registaro de Ĉinio alprenis
seriojn da rimedoj. Inter ili, oni plej zorgas pri la rimedoj
por plibonigi la popolan vivon, garantii la stabilecon kaj
efektive pliigi enlandan konsumon.
Reformado por disvolvo de la kamparo
Pri temoj koncernaj al la agrikulturo, kamparo
kaj kamparanoj, oni multe prizorgas disvolvon de la publikaj
aferoj en la kamparo, inkluzive de edukado, kuracado, kulturo
k.a., nuligon de la sistema baro koncernanta registritan konstantan
loĝantecon, edukadon kaj socian garantion inter urbanoj kaj
kamparanoj, protektadon al la leĝaj interesoj de migraj laboristoj
en urboj, akceladon de ilia urbaniĝo, fortigon de subtenado
al la agrikulturo kaj altigon de enspezoj de kamparanoj.
Mediproktektado
La enketo montras, ke popolanoj zorgas pri la
media problemo pli multe ol antaŭe. 2009 estas grava jaro
por realigi la celon pri fuelo-ŝparado kaj ellasaĵo-reduktado
en la 11-a Kvinjara Plano, kaj ĉirkaŭ duono de la enketitoj
prizorgas la problemojn de la medio.
Internacia situacio
Koncerne al la internacia situacio, ĉinaj popolanoj
plej zorgas pri la funkcio farita kaj la rolo ludata de Ĉinio
en la nuna ekonomia situacio. Krome, ili prizorgas ankaŭ la
rilatojn de Ĉinio kun aliaj landoj.
Ni
tre ŝatus vian sugeston, klaku kaj donu vian voĉon!
>>>
Ĉefpaĝo
|