La 5-an de marto ĉina ĉefministro Wen Jiabao faris raporton pri registara laboro en la dua sesio de la 11-a Tutlanda Popola Kongreso. En la raporto li traktis la malfacilojn kaj defiojn de la ĉina ekonomio.

Wen diris, ke konfirmante la atingojn, ni devas klare vidi, ke nun ni alfrontas senprecedence grandajn malfacilojn kaj defiojn:

Unue, la internacia financa krizo daŭre disvastiĝas kaj ankoraŭ ne atingis valfundon. La postulado de la internacia merkato malkreskas, tutmonda deflacio evidentiĝas, komerca protektismo releviĝas, ekstera ekonomia cirkonstanco severiĝas, kaj necertaj faktoroj multiĝas.

Due, malhelpate de la internacia financa krizo, malrapidiĝo de ekonomia kresko fariĝis ĉefa problemo influanta la tutan situacion. Iuj industrioj superproduktas, iuj entreprenoj sin vivtenas malfacile, dungiĝado malfacilas, faktoroj de malpliiĝo de financaj enspezoj kaj pliiĝo de ties elspezoj multiĝas, stabile disvolviĝas agrikulturo sed malfacilas daǔra kresko de la kamparanaj enspezoj.

Trie, kontraǔdiroj en sistemoj kaj strukturoj, kiuj longe malhelpas sanan disvolviĝon de nia ekonomio, ankoraǔ restas kaj iuj el ili estas eĉ elstaraj. La postulado pri konsumo ne sufiĉas, la tria industrio disvolviĝas malrapide, kapablo de novkreivado ne sufiĉas, konsumo de energioj kaj riĉfontoj estas multa, medipoluo estas serioza, kaj la diferenco de disvolviĝo inter urboj kaj vilaĝoj kaj tiu inter malsamaj regionoj grandiĝas plu.

Kvare, problemoj rekte koncernaj la fundamentajn interesojn de la popolo ne plene solviĝis, kaj en la socia garantio, edukado, kuracado, distribuado de enspezoj, publika sekureco kaj aliaj kampoj restas nemalmultaj problemoj urĝe solvendaj.

Kvine, merkata ordo estas nenorma, merkata kontrolado kaj leĝplenumado ne efike efektivigataj, kaj la socia sistemo de honesteco kaj konfideco ne perfekta. Eventoj koncernaj al manĝaĵa sekureco kaj gravaj akcidentoj en laborado ofte aperas kaj alportas grandan perdon al la vivoj kaj havaĵoj de popolamasoj. Ili donis al ni profundajn lecionojn.

Li diris, ke ni devas havi klaran konon pri la severeco kaj komplikeco de la internacia kaj enlanda ekonomia situacio, altigi nian konscion pri krizo kaj maltrankvilo, plene utiligi favorajn kondiĉojn, pozitive respondi al diversaj defioj kaj bone plenumi ĉiujn laborojn, kaj neniam perfidos atendon kaj konfidon de la popolo.

Ni tre ŝatus vian sugeston, klaku kaj donu vian voĉon!

>>> Ĉefpaĝo