Marte de 1998, kiam Zhu Rongji estis elektita kiel nova chefministro de la Shtata Konsilantaro de Chinio, li diris: "Ech se antau mi estos kashaj minoj au abismo, mi iros antauen senhezite kaj plenenergie servos al la popolo ghis la lasta spiro." Liaj vortoj estis varme aplauditaj de la cheestantoj. En palpebruma dauro forpasis de tiam jam kvin jaroj.

La 5-an de marto, 2003, solene inaugurighis la Unua Sesio de la 10-a Tutlanda Popola Kongreso de Chinio kaj Zhu Rongji faris la laborraporton lastfoje en la nomo de la centra registaro. Sur la podio tiu pli-ol-70-jara shtatoficisto diris multe da ciferoj gravaj por la nacia ekonomio kaj popola vivo sen rigardi la tekston.

En 1998, kiam li prenis la chefministrecon sur sin, levighis la azia financa krizo. Gvidate de li, la china registaro firmdecide praktikis pozitivan financan politikon kaj stabilan mon-politikon. Dank' al tio la china ekonomio senchese progresis, la enlanda ekonomio chiujare kreskis je 7-8% kontinue kaj tiutempe la reformado de la enlanda financa sistemo progresis kaj la financaj merkato, legho, reguloj kaj kontrolado perfektighis jaron post jaro, dume la china mono Renminbi ne devalutighis, kio ludis tre gravan rolon por bremsi la financan krizon de Azio kaj levis la pozicion de Chinio sur la internacia ekonomia scenejo. En la pasintaj 5 jaroj Chinio rikoltis serion da sukcesoj. Ghi membrighis al la Monda Komerca Organizo kaj en la malbona medio, ke la tutmonda ekonomio depresiis pro terorisma surprizatako, la china ekonomio daure kreskis rapide. Oni devas diri, ke la sukcesoj de Chinio havas nedisigeblan rilaton kun Zhu Rongji kaj lia registaro.

Li energie faris strukturan reformadon de shtataj institucioj. Dank' al tio la nombro de oficistoj de la Shtata Konsilantaro duonighis kaj la organoj de la provincaj, municipaj kaj autonom-regionaj registaroj faris similan simpligon. En la situacio de la azia financa krizo kaj granda premo de neracia industria strukturo kaj senlaborigho, la china enlanda ekonomio kreskis je 7.7% chiujare kaj la pokapa enspezo de urbanoj kreskis chiujare je 9%. Tio ne estas facila afero por Chinio kun 1.3 miliardoj da loghantoj.

Justa chefministro

Zhu Rongji estas homo serioza. Dum sia oficperiodo li severe traktis sin mem kaj ankau la subulojn. Li atingis interkonsenton kun siaj kolegoj: Simpligi la sekvantaron kaj kunvenojn, ne partopreni malferman ceremonion, nek fari surskribon kaj epigrafon. Li diris: "Kiam oni malkontentas kontrau nia misfaro, mi ege maltrankvilighas. Mi estas kolerema kaj eble ofendis iujn kamaradojn. Mi petas pardonon. Mi faras nur kritikon, sed neniam moleston."

Kiam li funkciis kiel vicprezidanto de la Shtata Ekonomia Komisiono, lia subulo maljuste kulpigis lin, sin turnante al la gvidanto de la Shtata Konsilantaro. Informighinte pri tio, li severe kritikis tiun homon. Oni opiniis, ke chi tiu perdis sian perspektivon. Sed oni ne atendis, ke Zhu Rongji poste promociis lin vicestro de iu buroo. Zhu eksplikis: "Li bone respondecas pri sia laboro. Li maljuste kulpigis min, sed kun la celo perfektigi la laboron."

Pro disfalo de Yangzi-rivera digo en Jiujiang li eksplodis de kolerego. Li riprochis: "Vi diris, ke ghi estas firmega, sed plena de kacho! Ni devas severe ekzameni la projekton, kontrolon kaj konstruadon. Kia malbonega konstruo! La historio estas ne trompebla!"

Eksterordinaraj pordedichaj surskriboj

Li promesis, ke li neniam faros pordedichan surskribon, ne cheestos malferman ceremonion nek akceptos donacon, sed efektive li foje rompis tion. Li faris surskribon por la rubriko "Fokuso" de la Centra Televizio: "Kontrolo de publiko, vocho de popolanoj, spegulo de registaro kaj avangardo de reformado". Li faris surskribon ankau por la Shtata Kontista Instituto che ghia 3-jarigho: "Ne faru falsan konton!" Li diris: "Mi deziras, ke chiuj studentoj de via instituto bone memoru tiujn vortojn." Li bone scias, ke preskau chiuj kontrauleghaj krimagoj havas ian rilaton kun falsa konto.

Li havas profundan senton por sia patrina universitato Qinghua. En 1984, 33 jarojn post kiam li diplomighis el la universitato, li, estiel vicdirektoro de la shtata ekonomia komisiono, eklaboris kumule kiel estro de la Ekonomika Administra Instituto sub Qinghua-universitato, ghia profesoro kaj doktora instruisto. Li kumulis tiun okupon ghis 2001. Okaze de la 80-jarigho de la universitato li skribis gratulajn vortojn al la universitato: "Qinghua instruis min kaj mi neniam forgesos ghian nutradon."

Li diris al studentoj de la universitato, ke ili devas esti diligentaj, fari chion honeste kaj juste kaj neniam chasi famon.

Li diris: "Mi deziras, ke post mia demisio la china popolo tiel jughu min, ke mi estas oficisto honesta kaj ne koruptighinta. Mi kontentos ja pri tio. Se ili diros, ke Zhu Rongji faris ian praktikan aferon, mi do kore dankos."

En la inauguro de la Unua Sesio de la 10-a Tutlanda Popola Kongreso la cheestantoj longe kaj laute aplaudis lian laborraporton, eble tio estis justa takso pri Zhu Rongji, la kvina chefministro de la China Popola Respubliko.

Ni tre shatus vian sugeston, klaku kaj donu vian vochon!

>>> Chefpagho