La 15-an de marto 2003, la Unua Sesio de la 10-a
Tutlanda Popola Kongreso de la China Popola Respubliko (ChPR)
elektis Zeng Qinghong kiel vicprezidanton de Chinio.
Novembre de 2002 en la Unua Sesio de la 16-a
Centra Komitato de la Komunista Partio de Chinio (KPCh) li
farighis unu el la 9 membroj de la Konstanta Komitato de la
Politika Buroo de la Centra Komitato de KPCh kaj sekretario
de la sekretariejo de ghia Centra Komitato kaj krom tio li
kumule ekfunkcias kiel rektoro de la Partia Lernejo de la
Centra Komitato de KPCh.
Li naskighis en Ji'an, Jiangxi-provinco julie
de 1939. Li membrighis al KPCh en 1960. Li diplomighis el
la Pekina Politekniko en 1963 kaj funkciis kiel teknikisto.
Li havas richan sperton labori en la socia fundo. En 1979-1982
li funkciis kiel sekretario de la oficejo de la Planiza Komisiono
de ChPR kaj vicsekciestro de la Oficejo de la Shtata Energia
Komisiono respektive. En 1983-1984 li funkciis kiel gvidanta
kadro en la China Ghenerala Mar-petrola Kompanio kaj Petrola
Ministerio. En 1984 li funkciis kiel gvidanta kadro de Shanhajo.
 Kiam
li laboris en Shanhajo li fondis regulon por kolekti opiniojn
de intelektuloj foje chiusemajne. Li persone auskultis la
vochon de intelektuloj kaj solvis iliajn problemojn. Li ofte
interparolis kun fakuloj en universitatoj kaj institutoj kaj
amikighis kun ili. Oni diris, ke li estas iniciatema kaj lerta
en solvo de malfaciloj lau la perspektiva kaj strategia vidpunkto.
En 1989 li transpostenighis en Pekinon kaj laboris
kiel vicestro de la Oficejo de la Centra Komitato de KPCh
kaj en 1993 li farighis ghia estro. Tiu grava departemento
de la partio ludas gravan rolon por konkordigi diversajn flankojn
en la laboro. Gvidate de la Centra Komitato de la partio li
aranghis multe da gravaj aktivadoj, solvis serion da gravaj
problemoj kaj per sia praktika laborado ricevis konfidon kaj
altan takson de diversaj flankoj de la lando.
Septembre de 1997 en la Unua Sesio de la 15-a
Centra Komitato de la partio li farighis kandidato al la Politika
Buroo de la partio kaj sekretario de la sekretariejo de la
Centra Komitato de la partio kaj en 1999 li kumule eklaboris
kiel chefo de la Organiza Departemento de ghia centra komitato.
La Organiza Departemento de la Centra Komitato
de la partio estas destinita por trejni, ekzameni, rekomendi
kaj elekti gvidantajn kadrojn. Dum sia oficado en tiu departemento,
li unuigis siajn kolegojn kaj renovigis la fizionomion de
la organo. Li dedichis grandan atenton al revoluciigo, intelektigo
kaj profesiigo de kadroj kaj promocio de junaj, aktive akcelis
reformadon de la kadra sistemo, energie faris trejnadon de
kadroj kaj akiris rimarkindan sukceson. Julie de 2002 la Centra
Komitato de KPCh publikigis "Regulojn pri elekto de gvidantaj
kadroj de la partio kaj shtato", kiu estas grava frukto
tiuflanka kaj ankau garantio por elekti eminentajn kadrojn.
La dokumento estis farita rekte sub gvido de Zeng Qinghong.
Ghia praktikado estas utila por sciencigo, demokratigo kaj
sistemigo de la kadra laboro.
En la edukado pri "atenton al lernado, politiko
kaj justeco" kaj praktikado de la grava penso de "tri
reprezentoj" li, kiel respondeculo de tiuj du aktivadoj,
faris profundan enketon kaj resumis richan sperton por gvidi
la laboron.
Kiel rektoro de la Partia Lernejo de la Centra
Komitato de KPCh, li faris enketon en Yan'an, Jinggang-monto
kaj Pudong-distrikto de Shanhajo por serchi efikan metodon
de trejnado de kadroj. Li postulis, ke en la eduko de kadroj
oni devas persisti en la principo, serchi la veron el faktoj,
progresi kun la epoko, heredi la bonan tradicion lukti en
malfaciloj, kaj efektivigi la fundamentan principon teni la
regadon por la popolo.
Ankau en diplomatia laboro li montris sian talenton.
En la pasinta jaro okaze de la 30-jarigho de normaligo de
la china-japanaj rilatoj li vizitis Japanion kaj faris pozitivan
laboron por disvolvi la amikecon inter la du landoj.
Li profunde impresis siajn kolegojn, kiuj opinias,
ke li estas homo firmdecida, penema, honesta kaj modesta.
Li estas facile alirebla por diversaj homoj kaj tre shatata
de gejunuloj.
Lia patro Zeng Shan estis veterana revoluciisto,
kiu iam funkciis kiel ministro de internaj aferoj. Lia patrino
Deng Liujin estis batalantino de la Rugha Armeo kaj partoprenis
la Longan Marshon.
Lia edzino Wang Fengqing estas kadro de la Ghenerala
Buroo de Ekzameno kaj Kvaranteno de la shtato. Ili havas unu
filon..
Ni
tre shatus vian sugeston, klaku kaj donu vian vochon!
>>>
Chefpagho
|
