Wen Jiabao farighis chefministro de la Shtata
Konsilantaro de Chinio marte de 2003.
Marte de 1998 li ekfunkciis kiel vicchefministro
de la Shtata Konsilantaro de Chinio kaj en la pasintaj 5 jaroj
li estis taskita por superrigardi chefe agrikulturon, vilaghajn
laborojn, planizadon kaj financajn aferojn. En la okuloj de
la popolo li estas gvidanto praktikema kaj kompetenta.
En la agho de 45 jaroj li farighis kandidato
al la sekretariejo de la Centra Komitato de KPCh kaj kumule
oficis kiel direktoro de la Oficejo de la Centra Komitato.
Post 5 jaroj li farighis kandidato al la Politika Buroo de
la Centra Komitato de KPCh kaj sekretario de ghia sekretariejo.
Kiam li aghis 55 jarojn, li farighis membro de la Politika
Buroo de la Centra Komitato de KPCh kaj novembre de 2002,
kiam li 60-jarighis, li farighis membro de la Konstanta Komitato
de la Centra Komitato de KPCh.
 Li
naskighis en Tianjin, septembre de 1942 kaj en la 60-aj jaroj
li lernis 8 jarojn en la Pekina Geologia Instituto kaj diplomighis
kiel studento-esploristo en 1968. Ekde tiu jaro li laboris
en Gansu-provinco kaj 15 jarojn en la provinca geologia buroo.
Li tie funkciis kiel teknikisto, politika oficisto, vicsekciestro
kaj vicburoestro. En 1982 li transpostenighis al Pekino kaj
farighis direktoro de la esplora kabineto pri politikoj sub
la Ministerio de Geologio kaj Mineraloj kaj poste ghia vicministro.
En 1985 li farighis vicdirektoro de la Oficejo de la Centra
Komitato de KPCh kaj en la sekvanta jaro ghia direktoro. Sur
tiu posteno li laboris 8 jarojn. De 1992 li funkciis kiel
ghenerala sekretario de la gvida grupo pri financoj de la
Centra Komitato de KPCh por 10 jaroj.
 Li
ofte inspektis vilaghojn kaj katastrofitajn lokojn kaj tie
intime interparolis kun loghantoj.
Chinio havas 900 milionojn da kamparanoj kaj
la problemoj pri agrikulturo kaj kamparanoj estas malfacilaj
kaj komplikaj. Post kiam Wen Jiabao farighis vicchefministro,
li sukcese akcelis reformadon de la agrikultura kaj vilagha
strukturoj kaj provadon de reformado de la vilaghaj impostoj
kaj sub lia gvido oni ellaboris serion da politikoj utilaj
al reformado kaj disvolvo de agrikulturo, publikigis "Programon
pri helpo al malrichaj kamparanoj kaj ekonomia disvolvigho
en la chinaj vilaghoj", "Programon pri agrikultura
scienc-teknika disvolvigho" k.a. planojn utilajn al la
china agrikulturo en la nova jarcento.
 En
2000 Chinio provis reformadon de la vilaghaj impostoj, tio
estas tre grava por solvi la problemon pri troa shargho de
kamparanoj. Al tiu laboro Wen Jiabao dedichis grandan energion.
Li faris plurfojan inspektadon en Anhui, kie oni faras la
provan reformadon, kaj intime interparolis kun kamparanoj
por perfektigi tiun politikon. En 2002 la provado estis farata
en 20 provincoj kaj el tio la kamparanoj estis iagrade favorataj.
En la Unua Sesio de la 10-a Tutlanda Popola Kongreso
de Chinio Wen Jiabao diris: "En la historio Chinio faris
plurfojan reformadon de la vilaghaj impostoj, ekz. en la dinastioj
Tang, Ming kaj Qing, sed katenite de la tiama socia medio
la shargho de kamparanoj post iatempa mallevigho levighis
pli alten." Wen Jiabao diris, ke la Komunista Partio
de Chinio unuanime servas al la popolo kaj certe liberigos
sin el tiu absurda kateno. La cheestantoj varme aplaudis lin.
Post kiam li farighis membro de la centra gvidantaro,
li vizitis multajn lokojn de la lando. Li faris esploradon
en vilaghoj kaj vizitis kamparanojn. Li postlasis siajn spurojn
en 1800 gubernioj el la 2 mil gubernioj de Chinio. Preskau
chiujare li vizitis katastrofitajn lokojn, kie li gvidis la
batalon kontrau inundo kaj trosekeco, kaj konsolis la katastrofitajn
loghantojn. En la Printempa Festo de 2003, li vizitis ministojn
de la karbominejo Fuxin. En la shakto 720 metrojn profunda
li, sidante sur reloj, manghis ghjauzi-ojn kune kun ministoj.
 Oni
diris, ke li estas firmdecida. En 1998 la baseno de Yangzi-rivero
estis atakita de eksterordinara inundo. Komisiite de la Centra
Komitato, li gvidis la batalon kontrau inundo. Kiam alproksimighis
la 6-a diluva pinto, rekorda en la historio, li inspektis
multajn dangherajn lokojn, auskultis raporton de diversaj
flankoj, detale demandis meteorologojn kaj hidrologojn kaj
faris kategorian decidon, multe kontribuante al venko super
la diluvo kaj protekto de la vivo kaj richajhoj de la popolo.
Post komenco de la financa krizo de Azio, Wen
Jiabao faris multe da fruktodonaj laboroj en profundigo de
reformado de la financa sistemo, rebonigo de la financa ordo,
prevento kaj nuligo de la financaj riskoj kaj faris gravan
kontribuon por venki la financan krizon, praktiki pozitivan
financan politikon kaj subteni la nacian ekonomion.
 Dum
prezidado de la centra ekonomia laborkunveno li emfazis stabilan
kreskon de la ekonomio por akceli la strukturan reordigon,
reformadon kaj pordmalfermon kaj perfektigi la sistemon de
socialisma merkata ekonomio. En la centra vilagha laborkunveno
li postulis plirapidigi konstruadon de bonhava socio kaj akordigi
la soci-ekonomian disvolvighon de la urboj kaj kamparo. Li
prezidis ankau reformadon de la registara strukturo, klopodante
fari ghin efika kaj unueca, shanghi ghiajn funkciojn, efektivigi
demokratian sciencan decidon, praktiki leghan administradon
kaj submeti ghin al popola kontrolado.
Dum li laboris en la centra registaro, sub lia
gvido oni ellaboris gravajn dokumentojn, kiaj Decido pri Kelkaj
Problemoj de la Sistemo de la Socialisma Merkata Ekonomio
kaj Proponoj pri la Naua kaj Deka Kvinjaraj Planoj.
En diplomatia aktivado li impresas per bona konado
de la mondo.
Li kaj lia edzino havas unu filon kaj unu filinon.
Ni
tre shatus vian sugeston, klaku kaj donu vian vochon!
>>>
Chefpagho
|
