La 13-an de marto, 2003, Jia Qinglin estis elektita
kiel prezidanto de la 10-a Tutlanda Komitato de la China Popola
Politika Interkonsiligha Konferenco (ChPPIK) kaj farighis
nova gvidanto de la patriota unuecfronta organizo de Chinio.
Jia Qinglin naskighis en Hebei-provinco. En 1962
li diplomighis el la Hebei-a Politekniko kaj eklaboris kiel
teknikisto de la Unua Mashinindustria Ministerio. En 1978
li farighis ghenerala direktoro de la Ghenerala Kompanio de
Importo kaj Eksporto de Mashinoj kaj Aparatoj de Chinio kaj
en 1983 farighis estro de la Fabriko de Pezaj Mashinoj de
Taiyuan.
En 1985 li eklaboris en Fujian-provinco, kiu najbaras
al Taiwan-insulo trans la maro. Fujian estas fama hejmloko
de chinaj elmigrintoj. Kiel gvidanto de la provinco, li tie
laboris 11 jarojn. Li alte taksas la gravan rolon de la unuecfronto
en reformado kaj pordmalfermo. Li fidele praktikis la politikon
de la partio pri chinaj elmigrintoj kaj tenis bonajn rilatojn
kun ili. Li plene utiligis la apartan superecon de la provinco
en kontakto kun Taiwan kaj multe kontaktis Taiwan-anojn.
 Oktobre
de 1996 li transpostenighis al Pekino kaj oficis kiel aganta
urbestro, urbestro kaj sekretario de la partia komitato de
la urbo. Estiel chefa gvidanto de la urbo, li prezentis la
disvolvan strategion pri chefurba ekonomio kun novaj altteknologioj
kiel la kerno, tiel ke la supereco de Pekino en edukado, sciencoj
kaj teknikoj kaj informadiko plene disvolvighis. En 1997 la
financa enspezo de Pekino estis nur 18.23 miliardoj da juanoj,
sed en 2002, kiam li forlasis la postenon de urbestro, ghi
atingis 53.4 miliardojn da juanoj kaj la pokapa ghenerala
enlanda produktovaloro en tiu jaro estis 3355 usonaj dolaroj.
La novaj altteknologiaj industrioj ludis gravan rolon en la
loka ekonomia konstruado. La Scienc-teknologia Ghardeno Zhongguancun
multe shanghighis en la tri jaroj kaj la industria strukturo
de la urbo multe plibonighis ol antaue.
 En
la pasintaj 6 jaroj li faris enketon al bazaj unuoj 267 fojojn,
ech en sabato kaj dimancho. Li ofte vizitis malrichajn loghantojn
en kadukaj domoj. Sub lia gvido la urba registaro chiujare
faris 60 aferojn, strikte rilatajn al la propraj interesoj
de la popolo. En la pasintaj 5 jaroj aperis en Pekino 648
mil novaj laborpostenoj kaj la kadukaj domoj en la malnovaj
loghkvartaloj plejparte estis rekonstruitaj kaj la pokapa
logh-areo atingis 18 kvadratajn metrojn. En la pasintaj 6
jaroj li 11-foje vizitis Niujie-kvartalon, kompakte loghatan
de nacimalplimultanoj hujoj, por solvi iliajn konkretajn problemojn.
Sub lia gvido la urba registaro multe faris por media protektado.
Multighis serenaj tagoj en Pekino. En la antauurbo estas grandaj
areoj de verdajhoj, la akva sistemo estis bonordigita kaj
la antikva fizionomio bone konservata. Li estis estro de la
gvida grupo por inviti la Olimpikojn en 2008. Post la sukceso
de la invito la urbo elmetis novan temon de disvolvigho "Nova
Pekino kaj Novaj Olimpikoj", tiel ke la urbo eniris en
novan periodon de disvolvigho.
Li estas kapabla teni la situacion en la tuto
kaj ellabori realan principon de laboro en komplika situacio.
Kiam li funkciis kiel gvidanto de Pekino, li dedichis
grandan atenton al la unuecfronta laboro. Li havas multe da
amikoj el demokratiaj partioj kaj religiaj rondoj. Li faris
intiman interparoladon kun Banchen Erdini la 11-a. Li diris,
ke la plurpartia kunlaboro kaj principo de politika interkonsiligho
gvidataj de la Komunista Partio de Chinio estas fundamenta
politiko de Chinio. Li diris, ke Chinio firme tenos tiun principon
en chia okazo.
Li estas rigora al si kaj indulga al aliaj, modesta
kaj facile alirebla. Li diris plurfoje: "Mi laboris en
Pekino 6 jarojn, kaj min trafis la plej bonaj shancoj en la
historio." Li membrighis al la partio antau 44 jaroj.
Samkiel multe da ordinaraj partianoj, li chiam atribuas siajn
sukcesojn al la partio, popolo kaj epoko.
Lia edzino Lin Youfang estis lia kunlernantino
en la Hebei-a Politekniko. Shi emeritighis en 1997. Tiu geedza
paro havas unu filon kaj unu filinon. Ilia familio estas felicha
kaj harmonia.
Ni
tre shatus vian sugeston, klaku kaj donu vian vochon!
>>>
Chefpagho
|
