Lau la difinoj de la konstitucio kaj la "Organiza Legho de la Tutlanda Popola Kongreso", la povoj de la Konstanta Komitato de la Tutlanda Popola Kongreso inkluzivas leghofaron, eksplikon de la konstitucio kaj leghoj, superrigardon al la praktikado de la konstitucio, superrigardon al la laboroj de aliaj shtataj organoj, nomumon kaj eksigon de laborantoj de aliaj shtataj institucioj kaj decidon pri gravaj problemoj en la shtata vivo.

Lau la difino de la konstitucio de Chinio la leghofara povo de la Tutlanda Popola Kongreso de Chinio enkorpighas en la jenaj flankoj:

1. Amendi la konstitucion. En Chinio amendo de la konstitucio bezonas proponon de la Konstanta Komitato de la Tutlanda Popola Kongreso au de kvinono de la kongresanoj kaj aprobon de pli ol du trionoj de la kongresanoj en la kongreso;

2. Ellabori kaj amendi kriminalajn kaj civilajn leghojn;

3. Ellabori kaj amendi diversajn organizajn leghojn por la shtataj institucioj;

4. Ellabori kaj amendi aliajn bazajn leghojn, ekzemple tiujn de elektado, shtataneco kaj edzeco.

La leghofara povo dividighas jene:

Ellabori kaj amendi la ceterajn leghojn krom tiuj, kies ellaboradon devas plenumi la Tutlanda Popola Kongreso; Kiam la Tutlanda Popola Kongreso ne estas en plena sesio, fari partan amendon kaj kompletigon al la bazaj leghoj ellaboritaj de ghi, sed tio ne povas kontraustari al la bazaj principoj de la koncernataj leghoj; ekspliki la konstitucion kaj leghojn; senvalidigi administrajn difinojn, rezoluciojn kaj dekretojn faritajn de la Shtata Konsilantaro malkonformajn al la konstitucio kaj legho; senvalidigi lokajn difinojn kaj rezoluciojn faritajn de shtataj institucioj de la provincoj, autonomaj regionoj kaj municipoj malkonformajn al la konstitucio, leghoj kaj administraj difinoj.

Ni tre shatus vian sugeston, klaku kaj donu vian vochon!

>>> Chefpagho