La popolo posedas la shtatan potencon per certa organiza formo. En Chinio tiu organiza formo estas la popola kongreso elektita de la popolo. Ghi praktikas la shtatan potencon en la nomo de la popolo. La Konstitucio de la China Popola Respubliko difinas, ke chiuj rajtoj de la shtato apartenas al la popolo. La organo, per kiu la popolo praktikas la shtatan potencon, estas la tutlanda popola kongreso kaj lokaj popolaj kongresoj de diversaj niveloj.

Por garantii ke la popola kongreso reprezentu la popolajn interesojn kaj decidu aferojn lau la popola volo, la konstitucio kaj aliaj leghoj difinas, ke la popolaj kongresoj de chiuj niveloj respondecas por la popolo kaj submetighas al ghia kontrolo, la reprezentantoj estas kontrolataj de la elektantoj kaj elektaj unuoj, kiuj havas rajton eksigi ilin.

Por ke la laboroj de la popolaj kongresoj de diversaj niveloj chiam reprezentu la popolajn interesojn kaj enkorpigu la popolan volon, ili chiam tenas intimajn rilatojn kun la popolo per diversaj manieroj. En multaj lokoj la konstantaj plenumaj organoj de la popolaj kongresoj praktikas sistemon, lau kiu la reprezentantoj vizitas kaj akceptas la elektantojn en la difinita tempo kaj prezidanto de la konstanta komitato de la popola kongreso akceptas popolanojn kaj reprezentantoj faras inspektadon kun speciala atestilo. La tutlanda popola kongreso kaj ghia konstanta komitato, la lokaj popolaj kongresoj, havantaj leghdonan rajton, kaj iliaj konstantaj komitatoj praktikas amasan linion en decido de leghoj kaj legha proceduro kaj kolektas la opiniojn de diversaj flankoj per malsamaj manieroj, publikigas iujn leghojn kaj projektojn de leghoj por sondi la opiniojn. En la popola kongreso kaj iliaj konstantaj komitatoj de diversaj niveloj la reprezentantoj kaj membroj de la konstantaj komitatoj libere diras siajn opiniojn kaj faras diskuton, tiel ke ili montras la opiniojn de diversaj flankoj. Dank' al tio la leghoj, reguloj kaj decidoj, faritaj de la popolaj kongresoj kaj iliaj konstantaj komitatoj montras la popolajn interesojn kaj garantias la mastrecon de la popolo. La popolaj kongresoj kaj iliaj konstantaj komitatoj de diversaj niveloj en la praktiko kreas plurajn formojn por kontroli la administrantojn en ilia legha administrado, jughado kaj justico de la prokuroraj instancoj, iom post iom plibonigas sian laboron kaj tutkore servas al la popolo.

Por esti kontrolataj de la elektantoj de la antauaj elektaj distriktoj, unuoj kaj popolamaso, la popolaj kongresoj kaj iliaj konstantaj komitatoj raportas sian laboron pere de amaskomunikiloj kaj multaj lokaj popolaj kongresoj fondas kaj praktikas la sistemon, lau kiu la reprezentantoj raportas plenumon de sia ofico al la originaj unuoj kaj elektantoj.

Unuvorte, la popolo decidas kaj kontrolas la popolajn kongresojn kaj la popolaj kongresoj reprezentas ghin en plenumo de la shtata potenco, respondecas por ghi kaj estas kontrolata de ghi.

Ni tre shatus vian sugeston, klaku kaj donu vian vochon!

>>> Chefpagho