La Tutlanda Popola Kongreso (TPK) estas la plej alta organo de potenco. La Shtata Konsilantaro, kiel la plej alta administra organo, kaj la plej altaj popolaj jughejo kaj prokurorejo devas esti elektitaj de TPK kaj raporti sian laboron al TPK chiujare. La rilatoj inter TPK kaj aliaj shtataj organoj estas tiuj inter decido kaj plenumo kaj inter kontrolo kaj kontroligho.

TPK praktikas la plej fundamentajn kaj gravajn shtatajn funkciojn kaj povojn. Ghi havas la plej altajn povojn revizii konstitucion kaj kontroli ghian praktikadon, ellabori kaj revizii fundamentajn leghojn de la shtato, elekti, nomumi kaj eksigi membrojn de la Konstanta Komitato de TPK, prezidanton kaj vicprezidantojn de la shtato, membrojn de la Shtata Konsilantaro, membrojn de la Milita Komisiono de la Centra Komitato de KPCh kaj estrojn de la plej altaj popolaj jughejo kaj prokurorejo, decidi projektojn de shtata budgheto, nacia ekonomio kaj socia progreso, organizan sistemon de provincoj, autonomaj regionoj kaj municipoj, starigi specialajn administrajn distriktojn, trakti problemojn pri paco kaj milito, kontroli la laborojn de la Shtata Konsilantaro, la Milita Komisiono, la plej altaj popolaj jughejo kaj prokurorejo k.t.p.

Lau decido de TPK kaj ghia Konstanta Komitato la prezidanto de la China Popola Respubliko povas publikigi leghojn, nomumi kaj eksigi chefministron, vicchefministrojn, shtatajn konsilantojn, ministrojn, prezidantojn, chefkontokontrolistojn kaj gheneralajn sekretariojn de diversaj ministerioj kaj komisionoj, doni shtatajn ordenojn kaj honorajn titolojn, anonci amnestion, proklami militan leghon, publikigi ordonon pri milita mobilizo kaj anonci militan staton. Kiel reprezentanto de la China Popola Respubliko, la prezidanto akceptas senditojn el aliaj landoj kaj lau decido de la Konstanta Komitato de TPK sendas kaj revokas plenrajtigitojn el eksterlando, ratifikas kaj nuligas traktatojn kaj gravajn interkonsentojn subskribitajn kun aliaj landoj.

La Shtata Konsilantaro de la China Popola Respubliko, t.e. la Centra Popola Registaro de Chinio, estas la plej alta administra organo de shtata potenco. La Shtata Konsilantaro konsistas el chefministro, vicchefministroj, shtataj konsilantoj, ministroj, prezidantoj, chefkontokontrolistoj kaj gheneralaj sekretarioj de diversaj ministerioj kaj komisionoj. La Shtata Konsilantaro raportas sian laboron al TPK kaj en postsesiaj tagoj al ghia Konstanta Komitato.

La Centra Milita Komisiono de la China Popola Respubliko konsistas el prezidanto, vicprezidantoj kaj membroj kaj gvidas la tutlandan armitan forton.

La plej altaj popolaj jughejo kaj prokurorejo de la China Popola Respubliko estas la plej altaj tiurilataj organoj de Chinio. Ili raportas sian laboron al TPK kaj ghia Konstanta Komitato.

La oficperiodo de la prezidanto kaj vicprezidantoj de la shtato, chefministro, vicchefministroj, shtataj konsilantoj, prezidanto kaj vicprezidantoj de la Milita Komisiono, estroj de la plej altaj popolaj jughejo kaj prokurorejo estas tiom longa kiom tiu de TPK. Ilia povas servi maksimume por 2 oficperiodoj.

Ni tre shatus vian sugeston, klaku kaj donu vian vochon!

>>> Chefpagho