Povoj de la China Popola Politika Interkonsiligha Konferenco (ChPPIK) efektivighas per proponoj kaj sugestoj.

Propono de membroj de ChPPIK

Membroj de ChPPIK pere de sia konferenco prezentas proponojn kaj opiniojn pri la shtata politiko, socia vivo k.s al la Tutlanda Popola Kongreso (TPK) kaj la popola registaro.

Prezento de proponoj ne limigita en tempo, enhavo kaj nombro de membroj havas 4 formojn: membroj de ChPPIK prezentas proponon private au kolektive; dum sesioj membroj de ChPPIK faras proponon en la nomo de grupo; partioj kaj popolaj organizoj alighintaj al ChPPIK en sia nomo faras proponon; specialaj komisionoj de ChPPIK prezentas proponon en sia nomo. ChPPIK havas specialan organon por trakti la proponojn. Lau ghia regulo chiu propono ricevas respondon.

Sugesto de ChPPIK

Sugesto estas prezentita en la nomo de la Popola Politika Interkonsiligha Konferenco al la Popola Kongreso kaj ghia Konstanta Komitato au la registaro. Sugesto devas esti ekzamenita kaj aprobita de plena sesio au kunveno de konstanta komitato au prezidantoj.

Diferenco inter propono de membroj de ChPPIK kaj tiu de reprezentantoj de TPK

Trovighas diferenco inter propono de membroj de ChPPIK kaj tiu de reprezentantoj de TPK. TPK estas organo de potenco, kaj la proponoj de reprezentantoj validighas, tuj post kiam ili estas aprobitaj. ChPPIK estas organizo de unuecfronto, kaj proponoj de ghiaj membroj estas formo de popola kontrolo. La proponoj de reprezentantoj de TPK ghenerale estas prezentataj en la kongresaj tagoj, sed la proponoj de membroj de la Popola Politika Interkonsiligha Konferenco povas esti prezentataj en tagoj sesiaj au postsesiaj.

Ni tre shatus vian sugeston, klaku kaj donu vian vochon!

>>> Chefpagho