Antauvespere de la naskigho de la China Popola Respubliko (ChPR) en 1949 la Komunista Partio de Chinio (KPCh), demokratiaj partioj, senpartiaj demokratiaj personoj, diversaj popolaj grupoj kaj diversrondaj personoj kune decidis fondi la Chinan Popolan Politikan Interkonsilighan Konferencon (ChPPIK). En 1948 KPCh proponis okazigi novan politikan interkonsilighan konferencon por pligrandigi kaj firmigi la popolan demokratian unuecfronton kaj junie de la sekvanta jaro la nova prepara politika konferenco okazis en Pekino kaj la 17-an de septembro de tiu jaro, ghia dua sesio decidis shanghi sian nomon en la Chinan Popolan Politikan Interkonsilighan Konferencon.

Karakteroj de ChPPIK

La statuto de ChPPIK tekstas: "La China Popola Politika Interkonsiligha Konferenco estas patriota unuecfronta organizo de la china popolo kaj grava organo gvidata de KPCh por plurpartia kunlaboro kaj politika interkonsiligho."

ChPPIK ne estas shtata institucio nek ordinara socia grupo.

La Tutlanda Komitato de ChPPIK konsistas el reprezentantoj de KPCh, diversaj demokratiaj partioj, senpartiaj demokratiaj personoj, popolaj grupoj, nacimalplimultoj kaj diversaj sociaj rondoj, Taiwan-anoj, Hongkong-anoj kaj Maka-anoj kaj chinaj elmigrintoj kaj specialaj invititoj. La konsisto de la lokaj komitatoj de ChPPIK estas decidita lau la lokaj kondichoj reference de la tutlanda komitato.

Chefa funkcio

La chefa funkcio de ChPPIK estas politika interkonsiligho kaj demokratia kontrolo. Ghi organizas la membrojn de ChPPIK en partopreno de la regado kaj diskuto pri ghi.

Tio signifas, ke ChPPIK faras interkonsilighon pri gravaj problemoj politikaj, ekonomiaj, kulturaj kaj sociaj de la shtato kaj diversaj lokoj antau ilia decido au en ilia praktikado. La tutlanda komitato kaj lokaj komitatoj de ChPPIK povas okazigi kunvenon partoprenatan de gvidantoj de diversaj partioj kaj grupoj kaj diversrondaj personoj, lau propono de la Komunista Partio de Chinio au konstantaj komitatoj de la popola kongreso, popola registaro, demokratiaj partioj kaj popolaj grupoj. Ili povas ankau proponi al la supre menciitaj organoj diskuti pri gravaj problemoj.

La demokratia kontrolado signifas, ke ChPPIK povas fari kontrolon pere de sugesto kaj kritiko pri praktikado de la konstitucio, leghoj kaj reguloj de la shtato, plenumo de siaj funkcioj, observo de la leghoj kaj disciplino, praktikado de gravaj principoj kaj politikoj fare de la Centra Komitato de KPCh kaj shtataj organoj. La chefaj formoj de la demokratia kontrolado estas, ke la plena sesio au konstanta komitato de ChPPIK faras decidon, la konstanta komitato au ghia prezidantaro faras proponon al la Centra Komitato de KPCh, la konstanta komitato de la popola kongreso kaj la Shtata Konsilantaro, la specialaj komisionoj faras proponon kaj koncernajn raportojn, membroj de ChPPIK faras inspektadon, proponon kaj kritikon, partopreni enketon kaj inspekton organizitajn de la Centra Komitato de KPCh kaj la Shtata Konsilantaro.

Partopreni la regadon kaj diskuti pri ghi estas disvolvigho kaj etendigho de la politika interkonsiligho kaj demokratia kontrolado. Observante tiun principon, oni devas fari enketon kaj esploron pri la problemoj multe atentataj de la popolo kaj alte taksataj de la registaraj departementoj, aktive fari proponon al la partiaj kaj registaraj instancoj kaj per diversaj metodoj elvolvi la aktivecon de la membroj de ChPPIK por fari kontribuojn al la reformado, pordmalfermo kaj socialisma moderniga konstruado.

Ni tre shatus vian sugeston, klaku kaj donu vian vochon!

>>> Chefpagho