Grava tasko de la nuna sesio de la China Popola Kongreso estas ekzameni projekton de la Legho pri Administrado de Entreprenoj Kune Investitaj de Chinio kaj Aliaj Landoj (reviziita).

    Kompare kun la antaua legho oni modifis chefe jenajn tri punktojn:

    1. Koncerne la planon de produktado kaj entreprenado, oni forstrekis en la projekto la difinon, ke "la entreprenoj kune investitaj de Chinio kaj aliaj landoj devas raporti la planon de sia produktado kaj komercado al la chefa respondeca departemento por endosierigho kaj efektivigi ghin pere de ekonomiaj kontraktoj".

    Kial oni faris tiun modifon? Char sub la ekonomiaj kondichoj de la socialisma merkata ekonomio la entreprenoj havas rajton de memstara entreprenado, dum la registaro devas fari nur makroreguladon sen interveno al iliaj produktado kaj administrado. Nun la registaro ne postulas la enlandajn entreprenojn raporti sian planon de produktado, kompreneble nun ghi ne plu postulas tion de la entreprenoj kune investitaj de Chinio kaj aliaj landoj, tial estas necese forstreki la koncernan difinon.

    2. Koncerne acheton unue en Chinio, oni shanghis en la projekto la difinon, ke "la entreprenoj kune investitaj de Chinio kaj aliaj landoj devas acheti la krudmaterialojn, brulajhojn, akcesorajhojn k.a. bezonatajn de ili unue en Chinio kaj povas ankau mem prepari la bezonatan monon por acheti en la internacia merkato" en la difinon ke "la entreprenoj kune investitaj de Chinio kaj aliaj landoj povas acheti materialojn, brulajhojn kaj aliajn bezonatajn de ili en la sfero sankciita de la registaro en la china kaj internacia merkatoj lau la principo de justeco kaj racieco".

    Kial oni faris tian shanghon? La antaua difino estis farita sub la antauaj kondichoj, tamen nun la cirkonstancoj jam shanghighis. Sub la kondichoj de la socialisma merkata ekonomio la entreprenoj rajtas mem decidi sian achetadon lau la kondichoj de la merkato, dum la registaro ne devas interveni en tion. La entreprenoj investitaj de aliaj landoj havas la saman rajton pri achetado samkiel la chinaj. Tio konformas ankau al la koncerna difino de la Monda Komerca Organizo.

    3. Koncerne la rajton revizii la nomitan leghon. La antaua legho tekstis, ke tiun rajton havas la China Popola Kongreso, sed nun ghi tekstas, ke tiun rajton havas la konstanta komitato de la kongreso. La antauan difinon oni faris en 1979, nelonge post ekpraktikado de la reformado kaj pordmalfermo de Chinio, tiu difino estis necesa siatempe, kaj ghi estis tauga por protekti la medion de investado. Pro bezono de plua pordmalfermo kaj ghustatempa perfektigo de la legho, oni faris la supran modifon.

    La reviziita teksto enhavas malpli ol cent ideogramojn, tamen ghia signifo estas profunda. Tio montras firman volon de la china registaro pri plua pordmalfermo. Ghi montras ankau, ke Chinio certe liveros pli bonajn kondichojn al eksterlandaj investantoj lau la internacia komerca principo pri egala konkurenco kaj libera elekto.

Rilata artikolo:

Iom pri la "Legho pri Entreprenoj Kune Investitaj de
Chinio kaj Aliaj Landoj de la China Popola Respubliko"

Revenu