Je la 20-a horo de la 15-a de majo (lau pekina tempo), la Internacia Olimpika Komitato publikigis en sia reto la raporton de sia Inspekta Teamo pri la 5 kandidataj urboj.

    La Inspekta Teamo opinias, ke rigardate lau la nova procedo de invito de Olimpikoj, la invita kvalito de la 5 urboj estas alta.

    Jene estas vortoj el la raporto de la teamo:

Osako:

    La laboro de invito de Olimpikoj fare de la urbo estas organizita de la urba registaro. La bonaj instalajhoj de sportejoj kaj la sperto en organizado de granda sportkunveno estas fidinda bazo por gastigi Olimpikojn. Tamen la trafiko de la urbo estas rimarikinda problemo. Krome, ankau la diseco de la sportejoj kaj konsekvence la ekonimia situacio kaj efektiva kapablo en la invita plano estas zorgigaj.

    La Inspekta Teamo ne havas fidon pri la kontentiga solvo de tiuj problemoj.

Parizo:

    Forte subtenata de la franca registaro, la invita laboro de Parizo estas organizita kune de la urba registaro kaj la Franca Olimpika Komitato.

    Parizo estas unu el famaj metropoloj de la mondo. La nunaj sportejoj en la urbocentro estas taugaj por la Olimpikoj. La plano pri konstruo de novaj instalajhoj kaj rekonstruo de la malnovaj faris la invitan planon de la urbo pli konvinka.

    "Okazigi la Olimpikojn en urbo" estas slogano de Parizo, kiu havas urban Olimpikan Vilaghon. La Inspekta Teamo opinias, ke malgrandaj problemoj en la plano de Parizo estas solvendaj, tamen ghi kredas, ke Parizo kapablas solvi la problemojn kaj sukcese gastigi la Olimpikojn.

Istanbulo:

    La invita laboro surbaze de la unika "Olimpika Legho" de Turkio estas organizita de la Turka Olimpika Komitato. La legho garantias monhelpon por disvolvo de la sporto de la urbo kaj por konstruo de sportejoj.

    La Inspekta Teamo opinias, ke trovighas nestabilaj faktoroj en la invita plano kaj la financo por la invito. Estas malfacilo en monrimedoj kaj tempolimigo por konstrui trafikajn instalajhojn. Sed tio estas shlosila por gastigo de la Olimpikoj. La urba financo ne kapablas shanghi la situacion.

    Kvankam la urbo jam havas kelkajn novajn sportejojn, tamen la Inspekta Teamo ne havas fidon pri plenumado de la komplika plano de la Istanbula Komisiono por Invito de Olimpikoj.

Toronto:

    La laboro de invito de Olimpikoj fare de la urbo estas organizita de la Kanada Olimpika Komitato kaj diversnivelaj registaroj. La shtato forte subtenas. Ankau privataj grupoj partoprenis la laboron.

    La trafikaj instalajhoj kaj sportejoj en la urbocentro favoras la inviton. Tamen estas defio, chu la privataj grupoj povas sukcese kunlabori kun la shtato en konstruado de sportejoj kaj Olimpika Vilagho.

    La Inspekta Teamo kredas, ke Toronto kapablas plenumi tion.

Pekino:

    La invita laboro de Pekino estas organizita de la registaro kaj akiris grandan subtenon kaj helpon de la China Olimpika Komitato. L amo de chinoj al sporto kaj la forta subteno de la registaro altigas la kvaliton de la invito.

    La Inspekta Teamo rimarkis la grandan shanghighon kaj disvolvighon de Chinio kaj Pekino kaj la eventualan influon de multigho de loghantoj kaj kresko de ekonomio antau la jaro 2008 al la Olimpikoj. Sed la Inspekta Teamo kredas, ke la problemoj estos solveblaj por la urbo.

    Pri la medio de Pekino estas kelkaj problemoj solvendaj, sed la pekina registaro investos por bonigi la medion.

    La Inspekta Teamo kredas, ke gastigo de Pekino postlasos unikan kaj valoran heredajhon kaj por la china kaj por la monda sportoj.

    La Inspekta Teamo opinias, ke Parizo, Toronto kaj Pekino kapablos sukcese gastigi la Olimpikojn de 2008.

Rilata artikolo:
Inspekta raporto pri invito de Olimpikoj de 2008 publikigita

Revenu