La 15-an de majo, la Inspekta Teamo de la Internacia Olimpika Komitato publikigis sian raporton, kiu diras, ke Pekino, Parizo kaj Toronto estas kapablaj bone gastigi la Olimpikojn en 2008.
    H. Verbruggen, prezidanto de la Inspekta Teamo, diris en la gazetara konferenco, okazigita en la sama tago, ke tiuj supre menciitaj tri urboj havas chiu sian propran fortecon kaj estas malfacile ilin vicigi, char chiu el ili havas siajn mankojn, tamen oni kredas, ke la mankoj estos forigitaj antau 2008.
    La raporto montras, ke chiuj sportoj en Chinio estas bone aranghitaj kaj la registaro forte subtenas inviton de la Olimpikoj, kio faris Pekinon bonkvalita urbo invitanta la Olimpikojn. La membroj de la Inspekta Teamo opinias, ke okazigo de la Olimpikoj en 2008 en Pekino certe postlasos apartajn heredajhojn al la sporta afero ne nur de Chinio, sed ankau de la tuta mondo.
    H. Verbruggen diris, ke la Raporto de Pekino pri Invito de Olimpikoj de 2008 estis tre bone farita.
    He Zhenliang, plenuma komitatano de la Internacia Olimpika Komitato, diris, ke la Inspekta Teamo faris eminentan laboron kaj ghia inspekta raporto estas objektiva kaj la konkludo justa. Ghi konfirmis la fortan subtenon de la pekina popolo, pekina registaro kaj la tuta china popolo. He diris, ke li estas kontenta pri la raporto.
    Antau kelkaj tagoj iuj okcidentaj novajh-agentejoj trumpetis, ke Toronto kaj Parizo antauas al Pekino. Pri tio He diris, ke tio estas subjektiva supozo de areto da okcidentaj jhurnalistoj sen fidinda bazo.

Rilataj artikoloj:
Ebleco de kuna gastigado de Olimpikoj fare de la cheftero kaj Taiwan de Chinio
Prezentighis la Raporto de Pekino por Inviti Olimpikojn de 2008
Jughkomisiono de la Internacia Olimpika Komitato plenumis esploradon de Pekino

Revenu