La 24-an de decembro la Shtata Stadiono (birdkagh-forma) kaj la Shtata Nagha Centro Projekto por la Nagha Centro de Chinio decidita (kubforma) ekkonstruighis en Pekino, kio markas la kompletan komencighon de la konstruado de stadionoj kaj sporthaloj por la Pekinaj Olimpikoj en 2008.

    La totala nombro de la sportejoj por la Olimpikoj en 2008 estos 35, sed antaue oni planis konstrui 37. El ili 30 estos en Pekino kaj la aliaj 5 en Qingdao, Qinhuangdao, Shenyang, Tianjin kaj Shanhajo. La totala investosumo por ilia konstruado estos pli ol 2 miliardoj da usonaj dolaroj, el kiuj 184 milionoj da usonaj dolaroj venos de la Pekina Organiza Komitato kaj la ceteraj de richaj kaj reputaciaj chinaj kaj alilandaj investantoj.

    Oficisto de la Pekina Organiza Komitato diris, ke la ekkonstruado de la Shtata Stadiono kaj Nagha Centro markas, ke la konstruado por la 29-aj Olimpikoj eniris en kulminon. Krom la birdkagha kaj kubforma konstruajhoj konstruado de aliaj sporthaloj kaj stadionoj lanchighos en 2004 kaj lau la plano antau la fino de 2006 chiuj chefaj stadionoj kaj sporthaloj finkonstruighos kaj tiam Pekino kun etenditaj brakoj kaj tute nova fizionomio atendos amikojn el la tuta mondo por la Olimpikoj en 2008.

Revenu