La Imperiestra Palaco de Ming- kaj Qing-dinastioj (1368-1911) en Pekino estas nomata ankau Malpermesita Urbo kaj nun estas Muzeo de Imperiestra Palaco. Ghi estas la plej granda kaj plej komplete konservata antikva palaco en Chinio. En 1987 ghi estis enskribita de Unesko en la Liston de Mondaj Heredajhoj.

     La konstruado de la palaco dauris de 1406 ghis 1420. La sublima palaco areas 720 mil kvadratajn metrojn kaj havas 9990 chambrojn. Ghin chirkauas muro en alto de 10 metroj. La oblonga palaco larghas de oriento al okcidento 750 metrojn kaj profundas de sudo al nordo 960 metrojn. La palacon garnas chirkaufosajho en largho de 52 metroj.

    La palaco konsistas el du partoj: la ekstera kortego kiel oficejo de imperiestroj kaj la interna kortego kiel loghejo de imperiestroj kaj iliaj familianoj. En la ekstera kortego en la suda parto de la palaco estas tri grandaj haloj Taihe, Zhonghe kaj Baohe unu post alia sur la sama akso. Ambauflanke de la tri chefaj haloj estas haloj Wenhua kaj Wuying. Taihe-halo estas la plej granda kaj plej impona el la tri haloj. Tie okazis gravaj ceremonioj. En la interna kortego estas la haloj Qianqing, Jiaotai kaj Kunning, kie imperiestroj loghis kaj traktis kortegajn aferojn. Ambauflanke estas la Orientaj Ses Palacoj kaj Okcidentaj Ses Palacoj por imperiestraj edzinoj. Dum 500 jaroj en la palaco vivis 24 imperiestroj de Ming- kaj Qing-dinastioj.

     En la Imperiestra Palaco konservighas miliono da valoregaj kulturaj restajhoj kaj artajhoj de la periodo de la primitiva socio ghis la lasta feuda Qing-dinastio.

Fotoj