Yonghe-lamaejo
situas nordoriente de la Imperiestra Palaco kaj kovras 66 mil kvadratajn
metrojn. Ghia konstruado komencighis en 1694. Ghi estis princdomo
de Yinzhen, la kvara filo de imperiestro Kangxi (1661-1722 sur trono).
Post kiam li heredis la tronon, li faris sian domon lamaejo por
la flava sekto de lamaismo de Tibeto. Char ghi estis loghejo iam
loghata de imperiestro, ghi estis bone prizorgata de la registaro
kaj farighis institucio por traktado de interrilatoj de la centra
registaro kun Tibeto kaj Mongolio kaj ankau centro de lamaismo ekster
Tibeto.
La konstruajhoj de la lamaejo portas karakterizajhojn de arkitekturo
de Manchur-, Han-, Tibet- kaj Mongol-nacioj. La lamaejo konsistas
el 7 kortoj kun 5 grandaj haloj, flankaj haloj kaj 4 monahhejoj.
Ghi portas ne nur la solenecon de religia sanktejo, sed ankau imponecon
de kortega konstruajho. Ghi estas la plej granda kaj plej bone konservata
lamaejo en Pekino.
En
la lamaejo, kiu rolas kiel arta muzeo de lamaismo, konservighas
budhostatuoj de diversaj dinastioj de la 10-a ghis la 20-a jarcento,
thanka -pentrajhoj, liturgiaj objektoj, teksajhoj, chiutagaj
bezonajhoj de nacimalplimultoj kaj mebloj de post la 13-a jarcento.
Fotoj
|