Estimataj kaj karaj samideanoj,

En julio de 2004, Chinio gastigos la 89-an Universalan Kongreson de Esperanto en la chefurbo Pekino. Vi chiuj estas bonvenaj kaj invitataj!
     Vi estas bonvenaj ankau al la hejmpagho de la 89-a UK en Pekino, kiu malfermighis hodiau.
     La hejmpagho de la kongreso servas kiel
     ------ Informejo, kie vi ricevos alighilojn, bultenojn, mendilojn kaj aliajn kongresajn materialojn.
     ------ Fenestro, tra kiu vi vidos la belan kongresan urbon kaj kongresan landon kun longa historio kaj mirinda kulturo.
     ------ Kunsidejo, kie vi povas intershanghi opiniojn pri la kongresaj aferoj kun la Loka Kongresa Komitato (LKK) de la 89-a UK, China Esperanto-Ligo kaj chinaj esperantistoj.
     Laboras por la ret-paghoj oficistoj de China Esperanto-Ligo, redaktoroj de la reta El Popola Chinio kaj multaj aliaj chinaj e-istoj. Kompreneble, ankau la Estraro kaj Centra Oficejo de UEA multe subtenas la laboron.
     Ni esperas, ke vi chiuj alighos al la kunlaboro, kaj ni kune konstruos la hejmpaghon. Ni esperas ankau, ke la retpagho estos la virtuala kongresejo, elektronika renkontighejo kaj reta hejmo de niaj samideanoj.
     Anticipan dankon!

     Sincere kaj amike via,