La nova jaro 2004 havas apartan signifon por chinaj esperantistoj. Post 18 jaroj, Universala Kongreso venos denove al Chinio. Che la sojlo de la nova jaro, kore salutas vin chinaj e-istoj, kiuj diziras renkontighi kun vi en la Pekina UK en julio.

E-istoj estas homoj, kiuj amas amikecon kaj pacon kaj deziras kontaktighi kun aliaj. En la Pekina UK, vi havos la unikan shancon renkonti pli multajn chinajn e-istojn ol en ajna antaua UK, ech la Pekina UK en 1986. Kaj vi vidos kia estas la china movado kaj audos kiel la chinoj parolas Esperanton. Vi estos invitita viziti la oficejon de China Esperanto-Ligo, kiu en pli ol 50 jaroj servas al la chinaj kaj alilandaj samideanoj, la redakcion de El Popola Chinio, kiu eldonadis la paperan revuon en 50 jaroj kaj nun daurigas ghin en TTT-ejo, kaj la E-sekcion de China Radio Internacia, kiu festos 40-jaran jubileon de sia Esperanto-elsendo en 2004.

Chinio estas lando kun vasta teritorio de 9.6 milionoj da kvadrataj kilometroj. Tie vivas 1.3 miliardoj da loghantoj -- 22% de la totala loghantaro de la mondo. La vivo de nunaj chinoj ne estas senproblema, tamen esperoplena. Kongresi en Chinio donos al vi la eblecon vidi diversajn aspektojn de la popola vivo, kiuj certe interesos vin.

En la rapide pregresanta Chinio tamen estas io, kio restas sama kiel antau miloj kaj centoj da jaroj -- la Granda Muro, la Terakotaj Militistoj kaj Chevaloj che la mauzoleo de la Unua Imperiestro de Qin-dinastio, la Domo kaj Arbaro de Konfuceo k.a. La reve belaj naturaj pejzaghoj superas vian imagon. Jam 29 lokoj de Chinio estis enskribitaj de Unesko en la liston de Mondaj Kulturaj kaj Naturaj Heredajhoj.

Nun preskau chie en la mondo estas chinaj restoracioj, sed nur en Chinio vi povas ghui la plej tipan chinan bongustajhon kaj sperti la chinan gastronomian kulturon.

Kompreneble en Chinio vi povas ankau aprezi la orientan arton, kiaj kaligrafio, papertondo, metiarto, pekina opero kaj tajghichuan.

Unuvorte ni havas cent motivojn por vin inviti, kaj kredas, ke vi ne bedauros pro la aligho al la Pekina UK.

Yu Tao,-----------------------------------
komitatano de UEA, ghenerala------
sekretario de China Esperanto-Ligo