Fine de la 19a jc. kaj komence de la 20a jc. Esperanto enkondukighis en Chinion pere de rusaj esperantistoj-komercistoj kaj chinaj studentoj en Japanio, Francio kaj Britio.

1906 China esperantisto unuafoje partoprenis en UK la 2-a en Ghenevo.

1909 Fondighis en Shanhajo la China Esperanto-Asocio.

1912 Cai Yuanpei ekfunkciis kiel la unua eduka ministro de la Respubliko de Chinio kaj instrukciis malfermi Esperanto-kurson en la instruistaj altlernejoj de la lando.

1920 Hujucz, Bakin kaj aliaj iniciatis la fondighon de la Shanhaja Esperanto-Asocio.

1923 Cai Yuanpei kaj aliaj starigis la Pekinan Esperantan Kolegion.

1931 Hujucz, Jhelezo, Zhang Qicheng kaj aliaj fondis la Chinan Proletan Esperantistan Union en Shanhajo.

1932 Eldonighis "La Mondo", kiu dauris pli ol 4 jarojn.

1933 Fondighis Shanhaja Esperantista Ligo, kiu prezentis la sloganon "Per Esperanto por la liberigo de Chinio".

1936 Eldonighis la revuo "Chinio Hurlas"; Lusin skribis al "La Mondo" por respondi kial li aprobas Esperanton.

1939 Eldonighis duonmonata gazeto "Heroldo de Chinio", kiu distribuighis en 63 landoj; Mao Zedong faris surskribon por la ekspozicio de Yan'an-a Esperantista Societo.

1940 Jhelezo,Venlo Fon kaj aliaj fondis la Chongqing-an Korespondan Esperanto-lernejon, kies lernejanoj dislokighis en 18 provincoj.

1950 Fondighis la revuo El Popola Chinio.

1951 Fondighis China Esperanto-Ligo.

1963 Okazis la Unua Tutlanda Esperanta Labor-kunsido, en kiu vicchefministro Chen Yi faris paroladon; La Alteduka Ministerio de Chinio instrukciis ke altlernejoj instruu Esperanton kiel nedevigan lernobjekton.

1964 Ekfunkciis Esperanta disaudigo de Radio Pekino.

1979 La Dua Tutlanda Esperanta Labor-kunsido okazis en Pekinio.

1980 ChEL alighis al UEA.

1981 Fondighis "La Mondo", organo de ChEL, China Esperanto-Eldonejo kaj la societo "Amikoj de Esperanto".

1985 La 1-a China Kongreso de Esperanto okazis en Kunming.

1986 La 71-a UK okazis en Pekino.

1987 La Poshta kaj Telekomunika Ministerio emisiis memoran poshtmarkon por la 100-jara jubileo de Esperanto.

1991-1992 La 2-a China Kongreso de Esperanto okazis en Tangshan.

1993 Fondighis China Junulara E-Asocio kaj China Fervojista E-Asocio.

1994 Fondighis Filatela, Vejchi-a kaj Medicina E-Asocioj.

1995 Chinio unuafoje okazigis la Komunan Seminarion inter
China, Japana kaj Korea Junularoj; Okazis en Chongqing la 3-a China Kongreso de Esperanto.

1996 Okazis en Shanhajo la 1-a Azia Kongreso de Esperanto; Fondighis China Esperanto-Biblioteko.

1999 Okazis en Guilin la 4-a China Kongreso de Esperanto.

2001 El Popola Chinio chesis eldonighi papere kaj estas daure legebla en interreto.

Rigardu fotojn