La arto de laka gravuro naskighis en Chinio antau pli ol 3 mil jaroj. Ghi aperis en Pekino en Yuan-dinastio (1279-1368 p.K.) kaj prosperis en dinastioj Ming (1368-1644) kaj Qing (1644-1911 p.K.). La artajho estas fama tra la mondo pro sia delikata gravurado. En la 20-aj jaroj de la lasta jarcento iu laka gravurajho de Pekino gajnis oran medalon en la Panama Universala Foiro. Marte de 1984 en la Lepsika Printempa Internacia Foiro china laka gravurajho, florkorba pleto, gajnis oran medalon.

La pekinaj lakaj gravurajhoj havas ene lignan korpon au metalan korpon el kupro, fero, aluminio. Oni lakas la korpojn per china lako, dekojn kaj ech centojn da fojoj laubezone de iliaj formo kaj desegno. Ili estas vermiljone lakitaj kun flava, verda au nigra fono. Sur la lakajhoj oni faras desegnojn, poste gravuras delikate kaj fine faras el ili belajn artajhojn.

Tial artajhoj estas finfaritaj post dekoj da procedoj. La farado de ordinaraj artajhoj dauras ghenerale duonjaron, dum altklasaj artajhoj postulas multe pli da tempo. Ili, diferencaj de lignogravurajhoj kaj aliaj lakajhoj, estas originalaj tradiciaj metiartajhoj de Chinio.

La lakaj gravurajhoj de Ming-dinastio estas simplaj en desegno kaj modestaj en stilo, dum tiuj de Qing-dinastio kun versimilaj bildoj estas delikate gravuritaj kaj inkrustitaj. Nun la metiistoj de Pekino heredis la tradician arton kaj transplantis skulptadon sur laka gravurajho, tiel ke la antikva metiarto faris pluan pashon antauen. En la lastaj jaroj ili faris multe da belaj artajhoj, ink. de malgranda shminkujo, 3 m. longa ekrano kaj diversaj vazoj en antikava gusto.

La florkorba pleto farita de Du Bingchen ja estas unu el tiaj majstrajhoj. Ghi montras arton de florskulptado kreitan de la majstro post lia multjara praktikado. La florkorba pleto 50.7 cm. diametra pompas per china rozo, peonio, osmanto, magnolio, umefloro kaj krizantemo. La petaloj estas legheraj kaj mincaj, la tigoj interkrucighantaj, la folioj kushantaj dorse au kuspe kun klaraj vejnoj. Kia mirinda kreajho!

Estas originala la saniga globo kun kupra korpo, unu speco de lakaj gravurajhoj. Ghi, facile portebla kaj utila por movo de man-artikoj, estas eleganta metiartajho por donaco.

Pejzagha pleto, alia speco de lakaj gravurajhoj, surhavanta historiajn vidindajn lokojn kaj pejzaghojn, estas delikate farita kaj bele ornamita. Tia pleto, forte elspiranta la trajton de la china tradicia metiarto, estas singfoplena memorajho.

Akvario kun bildo "Nau Drakoj Malkvietigas Maron", kun diametro de 1 m., estas plena de mita koloro. La artajho, vermiljona, estas impona kaj bele gravurita. La drakoj kaj la ondoj estas vivece reaperigitaj. La akvario estas subtenata de subtenilo en formo de kvin brunaj lakaj drakoj, kio faras la artajhon perfekta kaj harmonia.

La metiistoj uzas lakan gravuradon en farado de mebloj. Ili faras la chinstilajn meblojn pli luksaj. Jen ghojiga pasho de la arto al praktika uzo.

La pekinaj lakaj gravurajhoj estas shatataj de la popolo pro sia arta eleganteco, kombino de reliefo kaj chinstila pentrarto, kaj taugo por longtempa uzado kaj konservado.