Riveroj

Sur la vasta tero de Chinio fluas multaj riveroj, el kiuj pli ol 1500 havas sian basenon de pli ol unu mil kvadrataj kilometroj. La riveroj plejparte estas elfluaj, kaj tiuj en nordokcidenta Chinio estas enfluaj. Pro tio, ke la china kontineto ghenerale klinighas sudorienten, la elfluaj riveroj plejparte enfluas en Pacifikon. La ceteraj, kiaj Nujiang kaj Yarlung-Zangbo, enfluas tra najbaraj landoj en la Hindan Oceanon.

La statitiko montras, ke la totala flukvanto de la chefaj riveroj de Chinio estas 2700 miliardoj da kubmetroj kun la energio de 680 milionoj da kilovattoj. La basenoj de la elfluaj riveroj estas abundaj je pluvo kaj la supraj partoj de la riveroj ofte iras tranchante altajn montojn, tial tiuj galopantaj torentoj entenas gigantan hidraulikan energion. Plej potencaj estas la riveroj en Hengduan-montaro pro la grandega diferenco de akvoniveloj. Ankau la riveroj de la provincoj Zhejiang, Fujian kaj Taiwan, kvankam mallongaj, enhavas sufiche abundan hidraulikan energiofonton. Pro ofta pluvado la riveroj en suda Chinio chiam estas plenaj. Tie la flauro prosperas kaj la riveroj entenas malmulte da sablo en akvo, kio favoras al irigaciado, navigado kaj elektroprodukatado. La riveroj en norda Chinio malfavoras al utiligo de la hidraulika energiofonto pro granda shanghigho de flukvanto en la kvar sezonoj kaj ankau pro grandkvanta loeso en akvo.

La chefaj riveroj en nordorienta Chinio estas Heilong, Songhua, Liaohe, Yalu kaj Wusuli. Heilong kaj Wusuli estas limriveroj inter Chinio kaj Rusio kaj Yalu estas limrivero inter Chinio kaj Koreio.

La plejparto de la riveroj en norda Chinio apartenas al la riversistemoj de la Flava Rivero kaj Haihe. La Flava Rivero 5464 km. longa estas la dua granda rivero de Chinio. Haile konsistas chefe el la branchoj Chaobai kaj Yongding mallongaj sed torentaj. La trunko de Haihe servas kiel grava akvovojo de Tianjin al maro.

Yangzi-rivero, la unua granda rivero de Chinio, kun longo de pli ol 6300 km., trafluas la mezon de Chinio. Ghia baseno okupas proksimume kvinonon de la tuta Chinio. Huaihe, la alia granda rivero en orienta Chinio, longas je unu mil km. Kun multnombraj riverbranchoj kaj lagoj la ebena baseno estas richa je naturaj produktoj.

Perlo-rivero, la plej granda rivero en suda Chinio, konsistas el la Okcidenta, Norda kaj Orienta Riveroj. Ghia trunko la okcidenta Rivero, 2100 km. longa, fontas de Wumeng-montaro de Yunnan-provinco kaj ghia flukvanto estas kelkoblo de tiu de la Flava Rivero. La baseno de Perlo-rivero, kies densa reto de riveroj favoras al irigaciado, estas unu el la regionoj de progresinta ekonomio de Chinio.

La enfluaj riveroj de Chinio trovighas en la landinternaj basenoj kaj altebenajhoj malabundaj je pluvo. Tarim, Qaidam kaj Shule estas chefaj enfluaj riveroj de Chinio. La riveroj fontas el galcio kaj negho sur altaj montoj.