Chino estas unu el la landoj de la mondo, kiuj plej frue kultivis tearbojn kaj preparis teon. Laudire, antau ch. 2000 jaroj oni jam prenis teon kiel herbodrogon. En la 3-a jarcento a.K. ghi jam servis kiel chiutaga trinkajho kaj en la 6-a jarcento p.K., ghi estis eksportita al aliaj landoj. Nun, Chinio okupas la duan lokon en la mondo lau sia teoproduktokvanto.

Chinio havas vastegan tekulturan areon. Teon produktas Zhejiang, Jiangsu, Anhui, Fujian, Jiangxi, Hunan, Hubei, Guangdong, Guangxi, Sichuan, Yunnan, Guizhou, Henan, Shaanxi, Taiwan ktp.

La china teo ghuas bonan reputacion pro siaj bonkvalito kaj multspececo. Lau malsamaj preparaj metodoj, ghi estas dividita chefe en kvin specoj: bruna, verda, flora, duonfermentinta kaj kompaktigita.

La bruna teo estas preparita post fermentado. Ghi kun belkolora infuzajho karakterizighas per siaj aromo kaj malhele bruna koloro. Qimen-teo produktata en la provinco Anhui estas la plej bona el la specoj de la bruna teo.

La verda teo, kun flav-verda infuzajho, densa kaj fresha aromo, estas la plej frua, senfermenta teo de Chinio. Ghi estas produktata en multaj lokoj de Chinio. Por fari tian teon oni kreis diversajn metodojn en te-folia kolektado, preparado kaj konservado, tial la teo havas multajn specojn, inter kiuj trovighas Mei-teo, kiu aspektas kiel maldika brovo, kaj la perlo-forma teo. La nomoj de la verda teo plejparte portas tiujn de ghiaj produktaj lokoj, kiaj Longjing-teo de Hangzhou, zhejiang-provinco, Maofeng-teo de Huangshan kaj Guapian-teo de Liu'an, Anhui-provinco, kaj Biluochun-teo de Jiangsu-provinco.

La duonfermentinta Ulong-teo estas produktata en la provincoj Fujian kaj Taiwan. La plej bona el la specoj de tia teo estas Rok-teo de Wuyi en Fujian-provinco. En Wuyi-monto chie staras altaj rokkrutajhoj kaj kushas profundaj valoj, kie prospere kreskas te-arboj. Laudire, la plej bona teo venas de la te-arboj, kiuj kreskas sur la montpintoj kaj rokfendoj. Pro tio ke homoj malfacile atingas tien, oni devas trejni simiojn por kolekti te-foliojn. Kompreneble, tio estas nur legendo. Ulong-teo estas sekigita tuj post sia duonfermentado. Ghia infuzajho elspiras fortan aromon. Post trinkado la aromo ankorau longe restas en la busho. Ghi havas nek amarecon nek dolchecon, kiel la verda kaj bruna teoj.

La flora teo estas preparita el supera verda teo miksita kun aromaj florburghonoj. La chefaj te-aromigaj floroj estas tiuj de jasmeno, magnolio, pampelmuso ktp. El ili la plej multe uzataj kaj plej valoraj estas jasmenaj floroj. Pro tio, la teo elspiras la aromon ne nur de teo sed ankau de floro. Tial oni kutime nomas ghin flora teo.

La kompaktigita teo, tauga por long-distanca transportado kaj long-tempa konservado, estas shatata de la loghantoj en la malproksimaj regionoj de Chinio. La teo estas preparita el malsamaj materialoj kaj havas formojn de briko, bovlo kaj plato. La popolanoj en la foraj regionoj bezonas multon da teo kaj trinkas ghin diference de la popolanoj en la internaj regionoj. En la pashtaj regionoj oni kutime dekoktas teon en poto kaj poste trinkas ghin kun salo, fresha lakto au butero.

La teo estas chefa trinkajho de la chinoj. Ghi povas ne nur kvietigi soifon kaj refreshigi la kapon, sed ankau preventi malsanon kaj sanigi la korpon. La teo entenas diversajn kemiajn elementojn, kiaj alkaloido, vitaminoj, te-tanino kaj aroma oleo, kiuj povas stimuli la centran nervan sistemon, fortigi la kontrahighon de muskoloj kaj akceli sangan cirkuladon kaj korpan metabolon. Tial trinko de teo povas refreshigi la cerbon, mildigi lacon, faciligi urinellason kaj fortigi la korfunkcion. Ghi ankau havas certan resanigan efikon sur proventadon kaj kuracadon de hipertensio kaj arteriosklerozo. Krome, la teo ankau povas inhibicii kreskadon de kojlobacilo, streptokoko kaj pneumokoko, stimuli digestadon kaj malpliigi malsanojn.