Estimataj gastoj kaj karaj amikoj,

Bonan vesperon!

Bonvenon al la vespera bankedo, celebre al la 55-a datreveno de fondiĝo de la Ĉina Esperanto-Ligo. Nome de la Ĉina Popola Asocio por Amikeco kun Fremdaj Landoj kaj la Ĉina Esperanto-Ligo, mi kore salutas vin ĉiujn kaj ĉiujn amikojn, kiuj komprenas kaj subtenas Esperanton, amas pacon kaj disvastigas amikecon.

En 1951 fondiĝis la Ĉina Esperanto-Ligo. En la pasintaj 55 jaroj post sia fondiĝo, la ligo ĉiam sin dediĉas al unuiĝo kun kaj al organizo de ĉinaj esperantistoj disvastigi, lerni, studi kaj praktiki Esperanton por pliintensigi internaciajn interŝanĝojn kaj kunlaboron, kaj servi per Esperanto al la reformado kaj pordomalfermo de Ĉinio, al ĝia moderniga konstruado kaj al paco de la mondo.

La Ĉina Popola Asocio por Amikeco kun Fremdaj Landoj kaj la Ĉina Esperanto-Ligo havas komunan celon. La asocio estas popola organizo por interkompreno kaj amikeco inter la ĉina popolo kaj diverslandaj popoloj. Same kiel la idealo de Esperanto, ĝi persistas en sia celo “Amikeco, kunlaboro, paco kaj disvolviĝo”.

Ĉinio bezonas Esperanton kaj Esperanto bezonas Ĉinion, same kiel Ĉinio bezonas la mondon kaj la mondo bezonas Ĉinion. Ĉinio volontas per Esperanto pliintimigi amikecon kaj pliintensigi kunlaboron de la ĉina popolo kaj diverslandaj popoloj, realigi eternan pacon de la mondo kaj kunan disvolviĝon de la homaro. Mi kaj ĉiuj samideanoj de la Ĉina Esperanto-Ligo deziras laŭeble klopodi kune kun vi ĉiuj por ludi pozitivan rolon en disvastigo de Esperanto kaj disvolvo de paca kaj amikeca aferoj.

En pli ol cent jaroj post sia eniro en Ĉinion, Esperanto jam enradikiĝis en Ĉinio, antikva lando kun longa historio en Oriento de la mondo, kaj strikte kunligiĝis kun la sorto de la ĉina popolo. Ĝi ludis pozitivan rolon en konstruado kaj disvolviĝo de la nova Ĉinio. Mi kredas, ke la ĉina Esperanto-movado certe plivigliĝos kun granda vivipovo, gvidate de la Ĉina Esperanto-Ligo dum la akcelo de la monda paco kaj starigo de la harmonia socio iniciatitaj de Ĉinio.

Mi deziras, ke la Ĉina Esperanto-Ligo prenu hodiaŭ kiel novan startpunkton, daŭre progresu kaj akiru pli grandan novan sukceson!

Dankon al vi ĉiuj!