Ĉu
vi ŝatus famiĝi, helpi TEJO-n kaj ricevi iom da mono cetere? Nu,
jen via ŝanco! Post kiam ni lanĉis la novan retpaĝaron ĉe www.tejo.org,
ni decidis havi grafikokonkurson por ke niaj membroj povu elmontri
siajn belajn fotojn kaj talenton pri grafikaĵoj. Jen la kategorioj:
Fotoj
Ni serĉas fotojn kiuj montras la diversecon
de TEJO sub nia slogano "june kaj kune". Se vi imagas
la foton en konkreta loko, vi povas aldoni en kiu paĝo vi ŝatus
ke ĝi aperu.
Premio: 20 EUR aŭ 1-jara TEJO-membreco
(MJ-T)
Emblemo
Ni ŝatus havi novan eblemon — ĉu vi povas
elpensi kaj krei pli bonan ol la nuna emblemo de TEJO kiu troviĝas
ĉi-apude?
Premio: 20 EUR aŭ 1-jara TEJO-membreco
(MJ-T)
Grafikaĵo
Ni ŝatus havi ankaŭ bonajn desegnaĵojn.
Ni cetere serĉas amikojn por Pepo.
Premio: 20 EUR aŭ 1-jara TEJO-membreco
(MJ-T)
Haŭto
por Drupalo
Ĉu la aspekto de la nuna tejo.org estas
tro simpla laŭ vi? Ni uzis defaŭltan haŭton de la programo Drupalo.
Legu la instrukciojn (bedaŭrinde nur angle) por ekscii kiel fari.
Premio: 40 EUR aŭ 2-jara TEJO-membreco (MJ-T)
Kondiĉoj
Sendu viajn kontribuaĵojn al tejokonkurso@gmail.com
kun la temlineo: "Grafikokonkurso". Ne sendu dosierojn
kiuj estas pli grandaj ol 1 MB (prefere ne pli ol 100K). Ankaŭ skribu
en kiu paĝo aŭ eldonaĵo plej indus uzi ĝin. Se ni ne uzos iun ajn
kontribuaĵon de iu kategorio, tiam ni ne donos premion por tiu kategorio.
Ekzemple, se oni nur sendas al ni aĉajn haŭtojn por Drupalo, tiam
ni ne premios en tiu kategorio.
Atentu:
Ĉiuj dosieroj kaj tekstoj senditaj iĝos plena apartenaĵo de TEJO!
Limdato:
30-a de novembro 2006
Dankon pro viaj kontribuoj!
(El Tejo Tutmonde)
|