Ĉeĥa Esperanto-Junularo
kunlabore kun Esperanto@Interreto organizas trejnseminarion pri
la temo "Lingvoj en interreto". La seminario okazos inter
la 4-a kaj 10-a de novembro 2006 en Brno de Ĉeĥio kaj ĝi estos dediĉita
al "lingva diverseco kaj ties specifaj trajtoj en la reta medio".
Dum la seminario oni spertiĝos pri programado, kreado de retpaĝaroj,
laboro kun vortaroj, perreta lernado ktp. La programo estos enhav-riĉa
kaj estos farita tiamaniere, ke ĝin povos partopreni kaj spertaj
programistoj, kaj plenaj komencantoj. Post la seminario eblos libervole
daŭrigi samtempe dum la semajnfino 11-a kaj 12-a de novembro en
Dobřichovice apud Prago (ĉefurbo de Ĉeĥio) ĉe scienca esperanto-konferenco
KAEST (Konferenco pri Aplikoj de Esperanto en Scienco kaj Tekniko).
Ĉiujn kondiĉojn, aliĝilon kaj detalajn
informojn pri la trejnseminario serĉu ĉe: http://vikio.ikso.net/Seminarioj/Brno2006
(El Raporto.info)
|