La 23-an de
septembro okazis la 1-a Esperanta Kongreso en la Filipina Normala
Universitato, Manilo, Filipinoj. Ĝin partoprenis 22 reprezentantoj
el diversaj universitatoj kaj organizoj. La reprezentantoj ankaǔ
fondis novan Esperanto-Asocion de Filipinoj kaj elektis ĝian 7-membran
estraron laǔ la loka regulo de Filipinoj. La asocio ĝis tiu tago
havas 36 membrojn.
Dum la kongreso estis legitaj tradukaĵoj
de la bondezirmesaĝoj de Renato Corsetti, prezidanto de UEA kaj
Hori Yasuo, prezidanto de Komisiono pri Azia Esperanto-Movado de
UEA.
Laǔ la decido de la nova komitato la oficejo
de la nove fondita asocio estos en la Filipina Normala Universitato.
(Bharat Kumar Ghimire)
|