Tutlanda interasocia
renkontiĝo okazis de la 26-a ĝis la 28-a de majo en Bourg-en-Bresse,
Francio, kiu tre interesis multajn el la 174 ĉeestantoj: interalie
la Ĝeneralaj Asembleoj de UFE (France-Esperanto), de la Rodanalpa
Federacio kaj aliaj kunvenoj por interŝanĝi spertojn...
UFE anoncis novan retejon probable aperontan
en septembro, kie estos pliaj paĝoj mem faritaj de 11 francaj federacioj
ligitaj kun UFE.
La Rodanalpa Federacio same diris, ke
aperos baldaŭ ĝia retejo kadre aŭ lige de tiu de UFE kun paĝoj malfermotaj
al la lokaj kluboj, kiuj volus utiligi ilin (estas 18 kluboj en
la Rodanalpa regiono).
Tiuj pli bonaj interŝanĝoj inter la lokaj
kluboj, la federacioj kaj UFE probable utilos al ĉiuj, sed bezonas
subtenon kaj partoprenon de ĉiu koncernato.
Samtempe estis anoncata la venonta pli
granda interasocia renkontiĝo, laŭ interkonsento de UFE kaj Sat-Amikaro
(franca organizo de SAT) kiuj decidis en 2005 por la cent-jariĝo
de la unua UK de 1905 en Bulonjo-ĉe-Maro (norde en Francio), ke
tia renkontiĝo okazos ĉiujn triajn jarojn. Do ĝi okazos de la 22-a
ĝis la 25-a de marto 2008 en Martigues proksime de Marsejlo ĉe Mediteraneo,
suda Francio, kun UFE, Sat-Amikaro kaj aliaj asocioj.
Ĉu plia paŝo por ĝenerala kaj fruktodona
interhelpo respektanta kaj utiliganta la neeviteblan diversecon
en Esperantio? Oni povas esperi ... kaj laŭeble kontribui!
(El franca samideano Paul Vincent)
|