Unua paĝo >> E-Novaĵoj


PEA salutas veteranajn esperantistojn ĉe alveno de la jaro de muso

Matene de la 26-a de januaro, 2008, la Pekina Esperanto-Asocio (PEA) okazigis en Pekino kunvenon por saluti veteranajn esperantistojn ĉe alveno de la jaro de muso. Ĝin ĉeestis 30 samideanoj inkluzive de Chai Zemin, prezidanto de la societo Amikoj de Esperanto kaj fama tradukisto Li Shijun (laŭlum).

La kunvenon prezidis prezidanto Li Weilun de PEA. Li simple konigis la agadon de PEA en la 7-a Ĉina Kongreso de Esperanto okazinta en decembro de 2007 en Kantono kaj la atingojn de PEA en edukado, akademia esplorado kaj internacia interkomunikado. Nan Youli, prezidanto de la kontrola komitato de PEA, prezentis rozon al ĉiuj ĉeestantaj veteranaj esperantistoj.

En la kunveno 92-jara Chai Zemin konigis sian sperton pri lernado de Esperanto en la 30-aj jaroj de la 20-a jarcento kaj esprimis sian esperon al PEA. Sinjoro Hou Zhiping konigis sian sperton pri konigo de Esperanto en Paca Forumo de la Ĉina Interreta Informa Centro. 85-jara Li Shijun konigis sian sperton de lernado de Esperanto kaj sian laboron por E-movado. Li konigis ankaŭ siajn atingojn en la lastaj jaroj, inkluzive de tradukado de malnovaj romanoj, partopreno en E-aktivadoj en- kaj eksterlandaj por interkomuniki kulturon. Fine Li Shijun korifeis en kantado de "Sub la Verda Flago" verkita de ĉina esperantisto-komponisto Guang Weiran por memori la 50-an datrevenon de la naskiĝo de Esperanto.