| 2009-10-20 La 19-an de oktobro, en sia brita ĉefstabejo la Atalanta Agado de la Eŭropunia Mararmeo por batali kontraŭ somaliaj piratoj proklamis, ke tiutage posttagmeze ĉindevena ŝipo kun loza kargo estis forkaptita de somaliaj piratoj sur la Hindia Oceano.
John Harbour, proparolanto de la Eŭropunia Mararmeo garnizonanta en Britio, konstatis, ke 25 ĉindevenaj ŝipanoj sur la ŝipo estis forkaptitaj. Nuntempe ili estas sekuraj. Harbour esprimis: "Almenaŭ 4 piratoj estas sur la ferdeko, la forkaptita ŝipo sin movas al okcidento laŭ la somalia marbordo." La Eŭropunia Mararmeo jam sendis patrolaviadilon al la okazejo por konfirmi la lokon de la rabokaptita ŝipo. Li diris, ke la kapitano nun kontaktas kun la piratoj, sed oni ne scias konkretajn postulojn de la piratoj.
(el Ĉina Radio Internacia)
Redaktorino: Chen Ji
|
