| 2009-11-13
Posttagmeze de la 12-a de novembro, Wen Jiabao, membro de la Konstanta Komitato de la Politika Buroo de la Centra Komitato de la Komunista Partio de Ĉinio kaj ĉina ĉefministro, iris al la provinco Hebei suferanta de granda neĝo por gvidi laboron.
Je la 2-a posttagmeze Wen Jiabao kaj aliaj gvidantoj de Ĉinio iris al Shijiazhuang, en kiu neĝegis. En la vagonaro veturanta al Shijiazhuang Wen Jiabao aŭskultis raportojn de iuj departementoj. Li emfazis, ke oni devas plifortigi la gvidadon, science fari organizadon, firme efektivigi rimedojn kontraŭ neĝego kaj garantii la vivtenon, produktadon kaj transportadon.
(el Ĉina Radio Internacia)
Redaktoro: Wang Lihua
|
