Ĉinaj sciencistoj laboras surŝipe.

Sedimento miksita kun bruliva glacio en marfundo

    Lastatempe, la Buroo de Geologia Esplorado sub la Ministerio de Tero kaj Riĉfontoj de Ĉinio publikigis raporton, ke post pli-ol-10-jara klopodado, ĉinaj sciencistoj fiksis 11 blokojn de bruliva glacio en la 140-kvadratkilometra boresplora areo en la Suda Maro. La totala areo de la mina zono estas ĉ. 22 kvadrataj kilometroj, la efika averaĝa dikeco de la mina tavolo -- ĉ. 20 metroj kaj la antaŭvidebla kvanto de la resurso -- 19.4 miliardoj da tunoj.

    La bruliva glacio fakte estas natura gaso-hidrato kaj nova pura fuelo  trovita en oceano kaj tundra zono en la lastaj dudek jaroj. Ĝi povas anstataŭi tradiciajn fuelojn, kiaj petrolo kaj karbo.

Redaktoroj: Zhao Xi kaj Wang Lihua