Usui Hiroyuki esperantistiĝis en 1981. En 1984 vizitis Ĉinion en la kadro de la Ĉina-Japana Amikeca Interŝanĝo, per kiu trimil japanaj gejunuloj estis invititaj al la lando fare de la ĉina registaro. Ekde la 1990aj jaroj interpretis prelegojn de eksterlandaj esperantistoj kaj ekde la 2000aj mem prelegas en kaj ekster Japanio. Tradukis poemojn de William Auld eldonitajn libroforme. Okaze de la 92a UK (2007) en Jokohamo rolis kiel reĝisoro de la kongresa temo kaj organizanto de la poezia vespero, al kiu li sukcese invitis Tanikawa Syuntaro, unu el la plej famaj poetoj en Japanio. Kunaŭtoris plurajn librojn en la japana pri lingvo-sociologio verkante ĉefe pri Esperanto. Aprile 2012 eklaboris por El Popola Ĉinio.