| 2012-04-17
Ekspediciisto purigas dinosaŭro-fosilion. |
La 15-an de aprilo scienca ekspedicio konsistanta el fakuloj de la Jilin-a Universitato, Shenyang-a Instruista Lernejo kaj la Xinjiang-a Instituto de Geologia Esploro trovis en Gobio en la gubernio Shanshan de Xinjiang dinosaŭro-fosilion en la periodo Ĵuraso plej grandan en Ĉinio ĝis nun.
La trovitaj skeleto-fosilioj montras, ke la dinosaŭro kun femurosto longa je pli ol du metroj estas tre granda. Laŭ kalkulo de sciencistoj la dinosaŭro longas je 35 metroj kaj pezas je ĉ. 30 tunoj, ĝi vivis antaŭ 160 milionoj da jaroj kaj nutris sin per vegetaloj. Nuntempe oni trovis en Xinjiang pli ol 20 lokojn, kie estas fosilioj de dinosaŭroj aŭ aliaj vertebruloj, tio havas gravan signifon por profunde esplori konsistigon de dinosaŭro-faŭno en Xinjiang kaj geografiajn kaj klimatajn trajtojn en la periodo Ĵuraso.
Redaktoroj: Liu Sigong kaj Niu Xueqin
| 
