Filipinaj popolanoj en la manifestacio

    En la 12-a de junio, kontraŭusona parado organizita de filipinaj popolanoj okazis en Manilo, ĉefurbo de Filipinoj. La manifestantaro eĉ foje ekkonfliktis kun la kontraŭtumultaj policanoj ĉe la usona ambasadorejo en Filipinoj.

    La 12-a de junio estas la 114-a datreveno de la sendependeco de Filipinoj. La organizo de filipinaj agrokulturantoj unue okazigis kunvenon de multaj homoj ĉe la Palaco Malacanango (MALACANANG), prezidanta loĝejo en Filipinoj por protesti kontraŭ la malrapida ago de la filipina registaro en la agra reformado kaj kondamni la intervenadon de Usono al enlandaj aferoj de Filipinoj, poste ili paŝis al la usona ambasadorejo en Filipinoj . Kiam la manifestantaro atingis la straton ĉe la ambasadorejo, ĝi trafis la haltigon de multaj kontraŭtumultaj policanoj. Iuj manifestantoj ĵetis balaaĵojn al la policanoj kaj ricevis bastonajn batojn, sed la manifestantoj disiĝis pace.

    Laŭ la kalkulo de la manila polico, pli ol sescent homoj partoprenis en la manifestacio. Sed iuj raportoj diris, ke la nombro de la manifestantoj devas esti "pli ol mil".

Redaktoroj: Zhao Xi kaj Xie Ruifeng