| 2012-06-15
Ordigo de antikvaj ji-aj kaligrafaĵoj kaj pentraĵoj |
| |
Ordigo de naŝi-aj ideogramoj |
La 13an de junio ĵurnalisto informiĝis de la Yunnan-provinca Komitato pri Etnaj Aferoj, ke de multaj jaroj la provinco sin dediĉis al la savado kaj disvastigo de etnaj lingvoj kaj atingis bonan rezulton en la dulingva (hanlingv-a kaj etnlingva) instruado, likvido de analfabeteco kaj teknika trejnado per etnaj lingvoj.
En Yunnan estas 25 etnoj, ĉiu kun almenaŭ 5 mil loĝantoj, kaj la nombro de diversetnaj loĝantoj kalkuliĝis al pli ol 15 milionoj. Inter tiuj loĝantoj 10.14 milionoj parolas siajn proprajn lingvojn, kaj 6 milionoj da homoj ne scipovas aŭ preskaŭ ne scipovas la hanan lingvon.
Por savi kaj disvastigi la etnajn lingvojn kaj ideogramojn la provinca registaro lanĉis grandskalan enketon en la tuta provinco, kaj fundamente konstatis, en kiuj lokoj oni uzas la etnajn lingvojn, kaj komencis dulingvan instruadon en etnaj kolonietoj, kie oni ne scipovas aŭ preskaŭ ne scipovas la hanan lingvon. 9651 lernejoj en 46 gubernioj nun instruas la hanan lingvon helpe de 19 etnlingvoj respektive; kaj 707 lernejoj en 22 gubernioj praktikas dulingvan instruadon: la hana kaj 14 etnaj lingvoj.
(Redaktoroj: Liu Sigong kaj Liu Zijia)
| 
