Kanada kaj ĉina studentoj staĝas en pilotejo.

Studentoj de la ĉina mararmeo, ekzamenataj pri mapado.

    Matene de la 7a de julio 110 studentoj el la Dalian-a Mararmea Akademio sub la Ĉina Popola Liberiga Armeo, kiuj vojaĝas kun la militŝipo Zheng He por praktika laboro kaj trejniĝo, komencis akcepti la ekzamenon pri oceana navigo.

    La trejn-ŝipo Zheng He, kiu faras vojaĝon ĉirkaŭ la mondo, finis ripozon kaj reorganizadon ĉe la marhaveno Kingstono, Jamajko, en la 6a de julio je la loka tempo. Pro la malalta atmosferpremo en la Kariba Maro, tiutage la ekblovo ĉe la meza parto de la Kariba Maro atingis 7 gradojn, kaj ondoj altis kvar metrojn, kaj fojfoje aperis ondegoj. Pro tio la ŝipo maldekstre-dekstre skuis je 20-30 gradoj, kaj multaj studentoj kaj ŝipanoj siagrade suferis marmalsanojn dum la ekzameno.

    Laŭ la instruistoj, tio estas unu el la enhavoj de diplomiĝa ekzameno por studentoj de la navigacia fakultato. La studentoj estas postulitaj rapide kaj ekzakte topografi lokon, direkton, rapidecon kaj cellokon de "si" kaj "sia malamiko".

(Redaktoroj: Zhang Shuang kaj Liu Zijia)