Jing Haipeng (meze), Liu Wang (dekstre) kaj Liu Yang intervidiĝas kun raportistoj.

Jing Haipeng (meze) respondas demandon de raportisto.

    La 13-an de julio, post 14-taga ripozado, la tri kosmonaŭtoj Jing Haipeng, Liu Wang kaj Liu Yang, kiuj sukcese plenumis la kunligon de la cel-spacoveturilo Tiangong-a kaj la kosmoŝipo Shenzhou-9 en la spaco, intervidiĝis kun raportistoj kaj respondis iliajn demandojn en la apartementa domo de kosmonaŭtoj en la Spaca Urbo.

    De la 29-a de junio, post reveno de Shenzhou-9, la tri kosmonaŭtoj komencis 14-tagan izolitan ripozadon. Dum la periodo la Ĉina Kosmonaŭta Centro por Scienca Esplorado kaj Trejnado faris al la kosmonaŭtoj kuracajn kontrolon kaj protekton, inkluzive de medicinaj ekzamenado kaj taksado, trejnado pri psikologio kaj korpo, reguligo de horaro por labori kaj ripozi, miksado de raciaj nutraĵoj, desinfektado kaj kvarantenigo. Nun ili estas en bona sanstato.

Redaktoroj: Zhao Xi kaj Niu Xueqin