Fabio Monteiro estas profesia brazila ĵurnalisto, kiu antaŭnelonge iĝis esperantisto. En internaciaj Esperantaj rondoj li iĝis konata per lia unua jutuba videofilmeto "Karnavala Festo en Esperanto".

    Fabio nun lanĉis propran blogon, kie li anoncas pri la projekto "Globeto", iuspeca interreta televido, per kiu li intencas publikigi siajn Esperantajn filmetojn.

    Tie troveblas jam okulfrape bona filmeto pri la pasintjara Tutamerika Kongreso de Esperanto, TAKE, okazinta en Sao Paulo. Fabio sprite kaj trafe prezentas la ĉefajn erojn de la Kongreso.

    La filmo (havanta du partojn) taŭgas kaj por mem rigardi kaj ĝui ĝin, kaj por prezenti ĝin al lingvolernantoj kaj kursanoj por virtuale eksperti etoson de Esperantaj aranĝoj.

    La blogo kaj kaj filmoj estas troveblaj ĉe:

    http://fabinhomonteiro.com/2012/06/11/la-lancado-de-globeto/

(el Ret-Info)

Redaktoro: Liu Zijia