| 2012-09-19
Li Baodong (maldekstre) subskribas la komunan deklaron. |
| |
En la subskriba ceremonio de la komuna deklaro |
La 17-an de septembro konstantaj reprezentantoj de la kvin konstantaj membroj de la Konsilio de Sekureco de la Unuiĝintaj Nacioj kune subskribis en la stabejo de la Unuiĝintaj Nacioj en Nov-Jorko la komunan deklaron, kiu refoje konfirmas la pozicion de Mongolio sen nukleaj armiloj kaj liveri al Mongolio rilatan sekuran garantion. Li Baodong, ĉina konstanta reprezentanto en la Unuiĝintaj Nacioj ĉeestis la ceremonion kaj subskribis la komunan deklaron.
2012 estas la 20-jara datreveno de la deklaro de Mongolio pri sia pozicio sen nukleaj armiloj. La subskribo de la komuna deklaro farita de Ĉinio, Usono, Rusio, Britio kaj Francio, la kvin konstantaj membroj de la Konsilio de Sekureco de la Unuiĝintaj Nacioj, celas enkorpigi subtenon de la kvin landoj al rilata penado de Mongolio.
Ĉinio ĉiam respektas kaj subtenas la pozicion de Mongolio sen nukleaj armiloj, promesas senkondiĉe ne uzi kaj ne minace uzi nukleajn armilojn kontraŭ landoj kaj regionoj sen nukleaj armiloj kaj subtenas penadon de rilataj landoj por starigi regionojn sen nukleaj armiloj aŭ konfirmi la pozicion sen nukleaj armiloj.
Redaktoroj: Zhao Xi kaj Niu Xueqin
| 
