Tibetaj lernantoj paŝas tra la nova ponto.

Unu el la feraj ŝnuroj ne plu uzitaj por nunaj tibetanoj

    La 14-an de oktobro raportisto informiĝis el Malriĉeco-mildiga Oficejo de la Tibeta Aŭtonoma Regiono de Ĉinio, ke pontoj sur 84 riveroj estos tute konstruitaj por anstataŭigi la originalajn ferajn ŝnurojn en Tibeto antaŭ la jarfino de la kuranta jaro. 40 mil tibetanoj, kiuj tra generacioj transiris la riverojn per glito sur fera ŝnuro, povos piedpaŝe aŭ veture fari la saman aferon.

    Ciwang Duobujie, manaĝero de la oficejo, diris al la raportisto, ke la Ĉina Financa Ministerio kaj la Malriĉeco-Mildiga Oficejo sub la Ŝtata Konsilantaro de Ĉinio speciale investis ducent dudek milionojn da juanoj por la projekto "anstataŭigi la ferajn ŝnurojn per pontoj" sur 84 riveroj en la kvar regionoj, kiaj Changdu, Linzhi, Rikaze kaj Naqu de Tibeto. Nun 74 pontoj jam estis finkonstruitaj kaj la restaj 10 estos finitaj en la jarfino.

Redaktoroj: Zhao Xi kaj Xie Ruifeng