En la inaŭguro de la 9-a Ĉina Zhengzhou-a Internacia Shaolin-Wushu-a Festivalo

    La 21-an de oktobro inaŭguriĝis en Zhengzhou de Henan-provinco la 9-a Ĉina Zhengzhou-a Internacia Shaolin-Wushu-a Festivalo. En la festivalo partoprenas pli ol 1500 sportistoj el 73 landoj kaj regionoj.

    Dum la festivalo la sportistoj faros konkurojn pri serio da movoj en shaolin-boksarto, tiu difinita de la internacia konkurso, pri aliaj tradiciaj disciplinoj kaj luktartoj.

    Henan estas unu el la hejmlokoj de la ĉina tradicia wushu-o. Kiel unu el la sektoj de la ĉina wushu-o Shaolin-wushu, kiu naskiĝis en la templo Shaolin de Songshan en la urbo Zhengzhou, havis la historion de pli ol 1500 jaroj.

    De la jaro 1991 Zhengzhou jam 8-foje okazigis la Ĉinan Zhengzhou-an Internacian Shaolin-wushu-an Festivalon kaj 2-foje la tradician wushu-an festivalon. Ili kun la celo "Renkontiĝi kun amikoj per wushu-o, kune progresi" forte antaŭenpuŝis disvastigon kaj popularigon de wushu-o en la tuta mondo, kaj plue akcelis solidarecon kaj amikecon inter la ĉina popolo kaj tiuj de diversaj landoj en la mondo.

Redaktoroj: Liu Sigong kaj Niu Xueqin