La 18-a Tutlanda Kongreso de KPĈ

Hu Jintao faras raporton.

Wu Bangguo prezidas la kongreson.

    Solene inaŭguriĝis la 18-a Tutlanda Kongreso de la Komunista Partio de Ĉinio en la Popola Halo de Pekino je la 9-a horo antaŭtagmeze de la 8-a de novembro. Wu Bangguo, membro de la Konstanta Komitato de la Politika Buroo de la Centra Komitato de la Komunista Partio de Ĉinio, prezidis la kongreson kaj Hu Jintao, ĝenerala sekretario de la Centra Komitato de la Komunista Partio de Ĉinio, faris raporton kun la titolo "Antaŭen laŭ la socialisma vojo kun la ĉinaj karakteroj kaj klopodi por ĉiuflanke konstrui bonhavan socion".

    Sume 2325 partoprenantoj, 2268 reprezentantoj kaj 57 specialaj invititoj, sin anoncis por la kongreso. La nombro de la aktualaj ĉeestantoj estas 2309.

Redaktoroj: Liu Sigong kaj Xie Ruifeng