Ekspedicio antaŭ la ekveturo

Aŭtoj sur glacikupolo

    La 16an de decembro 25 membroj el la 29a ĉina ekspedicio al Antarkto ekveturis de kvin km. sudoriente de Zhongshan-Stacio en la kontinent-interno al Kunlun-Stacio, kio markis komenciĝon de la 12a vojaĝo al glacikupolo en kontinent-interno.

    Kunlun-Stacio troviĝas en glacikupolo A, kulmino de la kontinent-interna glacikrusto en Antarkto, altan je 4,093 mil metroj sur la marnivelo, kaj je 1,228 mil km. fore de Zhongshan-Stacio. Ĝi estas la ununura stacio en la regiono en la homara historio. La ekspedicio veturas per naŭ surneĝaj aŭtoj, kiuj tiras 35 sledojn kun ĉirkaŭ 350 tunoj da materialoj. La aŭtoj atingos Kunlun-Stacion post 20 tagoj laŭ antaŭkalkulo.

    Sun Bo, estro de la ekspedicio, diris, ke naŭ membroj en la ekspedicio estas sciencistoj, la plej multaj ol antaŭe. Ili laŭplane faros pli-ol-20-tagan esploradon, inkluzive de glaciologio, astronomio, navigacio kaj mapado de kontinent-interna glacikupolo, eko-geologia observado pri glaci-neĝa interfaco, meteologia observado ktp., kaj revenos al Zhongshan-Stacio en la venonta februaro.

(Redaktoroj: Zhao Xi kaj Liu Zijia)