| 2013-04-25
En patrolado |
La 24an de aprilo, en la kvina tago post la tertremo en Lushan, Sichuan, laborantoj de la forstkultura administra stacio en la gubernio Baoxing, severe trafita de la tertremo, komencis la patroladon kaj flegadon laŭ la plano.
Post la tertremo pli ol 30 laborantoj de la administra stacio intensigis la patroladon al pli ol 2. 2 mil hektaroj da arbaro. Krom ĉiutagaj laboroj, ekzemple flegado de arbaro kaj malebligo de hakaĉado, ili fortigis la patroladon por antaŭgardo kontraŭ kotoŝtona fluo, terlavango kaj protekto de sovaĝaj bestoj.
En la arbaroj vivas grandaj pandoj, malgrandaj pandoj, muntjakoj, aproj, fazanoj kaj aliaj sovaĝaj bestoj. La laborantoj timas, ke sekundaraj katastrofoj post la tertremo vundos aŭ forpelos la bestojn. Ili volas protekti la hejmon de la bestoj per siaj propraj laboroj.
(Redaktoroj: Zhao Xi kaj Liu Zijia)
|
